من سائق توك توك إلى مضيف طيران.. محمد كيلاني يحقق حلمه بعد معاناة 3 سنوات
كشف الشاب محمد كيلاني عن طريقة تحقيق حلمه من سائق توكتوك إلى مضيف طيران، بعد معاناة استمرت 3 سنوات.
وروى “كيلاني” عبر صفحته الشخصية على فيس بوك تجربته في تحقيق حلمه قائلًا: على فكرة أنا كنت زيك بالظبط اتمرمطت في 100 شغلانة وكان الهدف من وراهم إني أوفر حياة كريمة لأهلي وأتجوز البنت اللي بحبها".
وأضاف كيلاني: “كان نفسي أوي أشتغل مضيف طيران عشان مرتبها هيحقق لي هدفي وواجهة اجتماعية كويسة (للناس اللي بتهتم بالمظاهر) بس اللي كان اللي واقف بيني وبين الشغل دا إني أطور ثقتي بنفسي عشان أقدر أعدي من إنترفيو شركة طيران واحدة بس، لغاية ما اتقبلت بعد 3 سنين محاولات وتجارب وسفر محافظات مختلفة عشان أعمل مقابلات”.
واستطرد قائلًا: “اتعلمت إيه اللي ممكن يساعدني عشان أعدي الإنترفيو وأزود ثقتي في نفسي وده اللي أنت لازم تركز عليه.. وفي الآخر شوف الحلم اللي أنت عايز تحققه محتاج منك إيه واعمله وأوعدك هتلاقي ناس عايزة تساعدك في الطريق”.
