عمرو أديب: "ماتش الكاميرون مش في إيدينا وتحاليل كورونا محتاجة مراقبة"

اعرب الإعلامي عمرو أديب، عن سعادته الغامرة بعد فوز منتخب مصر علي المغرب والتأهل لنصف نهائي بطولة الأمم الأفريقية.

فخر منتخب مصر

وقال عمرو أديب خلال برنامج “الحكاية” المذاع علي قناة “mbc مصر”:"السعادة كل السعادة والفخر كل الفخر، قلت لكم اقفوا جنب الرجالة لأنهم بيسمعوا كل حاجة بتحصل في البلد، لاعيبة مصر النهاردة كانوا ديناصورات ونسور وأفيال وأسود مش رجالة بس".

تحكيم سييء

وأضاف:"أحلى حاجة اننا بنكتشف حبنا لمصر ومنتخب مصر، والنهاردة مفيش ولا لاعيب عمل حاجة ناقصة، وكلهم كانوا تاريخيين وعظماء، والحكم كان سييء جدا وجايبين حكم من السنغال ولها لسه منتخب في البطولة".

رسالة لـ اتحاد الكرة

ولفت:"انا بقول من دلوقتي اتحاد الكرة المصري يجب انه يتكلم مع الاتحاد الافريقي بخصوص مباراة الكاميرون القادمة ومش عارف ايه اللى هيحصل فيها ويجيبوا لنا حكم من برة مش عارف منين، البطولة في الكاميرون وايتو قاعد علشان منتخبه ياخد البطولة، واحنا عايزين الحياد كل الحياد لأن حكم مباراة المغرب كان من اسوأ ما يمكن ومباراة الكاميرون ممكن يكون من اسوأ ما يمكن، بقول لاتحاد الكرة اتخذوا كل الإجراءات لضمان حصول مصر علي حقها في مباراة الكاميرون وعدم التلاعب في تحاليل كورونا او توجيه الحكم للمباراة".

قوة محمد صلاح 

وأكمل:"بالمناسبة المغرب ملعبتش خالص لا استحواذ ولا نقل واحنا كنا احسن في كل الأحوال ومحمد صلاح بطل اسطوري وعمل حاجة تاريخية وقدر يغير مقاليد اللى بيجري في الماتش وجون الأول ثم أسيست الجون الثاني، ومحمد صلاح موهوب وفارق معانا وقائد في الملعب ويساعد ويقف جنب اللاعيبة ومحترم بعد الماتش ويطبطب علي الخسران ولحد اخر لحظة بيجيب الكورة من عند جون مصر لحد جون الخصم، محمد صلاح اتضرب النهاردة لحد لما قال يكفى واتضرب كتير في البطولة".

اصابات منتخب مصر

وتابع:"خط الدفاع بحارسين المرمي اتعوروا ومحتاجين يروحوا صيانة ومحتاجين ندور علي حد تاني، ولما نزل محمد صبحي كلنا كنا حاطين ايدينا علي قلبنا، ولكن منتخبنا عمل اللى عليه واكتر، وانا بالنسبة 
 

مباراة مصر والكاميرون

وأكد:"ماتش الكاميرون مش في ايدينا ويجب اتخاذ الحيطة كل الحيطة ويجب أن يكون فيه مراقبة وهما بيعملوا تحليل كورونا، ومحتاجين حكم محايد لأن الكاميرون حالفة 100 يمين تاخد البطولة بالطول والعرض والورب، ولو الكاميرون طبخاها ناخد لاعيبتنا ونرجع مصر أحسن".

تريزيجيه وصلاح

وأضاف:"النهارد تريزيجيه نازل علي موعد مع التاريخ وجاء اليوم ليرد علي كل المنتقدين اللى بيقولوا عليه مش فورمة، وليه الهجوم علي رمضان صبحي حصل ايه لما ضيع الكورة، اي لاعب ممكن يضيع ولكن حق ربنا انه كان لعبها في الجون من الأول، بس هو فكر تفكيرين ويا جماعة المنتخب محتاجنا وشيلوا الأعلام من قدامكم، واحنا محتاجين كل اللاعيبة، ونسأل السؤال هل الشناوي يقدر يرجع؟ هل أبو جبل يقدر يرجع؟ هل حجازي يقدر يرجع؟ لازم نقف ورا المنتخب بتاعنا ونكتب لهم كل يوم مدد مدد شدي حيلك يا بلد، وانا باشوف الماتش كان نفسي اهتف".
 

رقم تاريخي.. منتخب مصر يواصل تفوقه على المغرب بالأدوار الإقصائية في الكان

رسميا.. ملعب أولمبي يستضيف مباراة مصر والكاميرون بعد رفع الإيقاف

لاعبين عالميين

وأكمل:"ايه اللاعيبة العالمية دي عندنا لاعيبة عالمية ومنهم عبد المنعم وفتوح وبنقول لكيروش متشكرين علي التوليفة اللى وصلتلها وبتلعب بيها، وكسبنا لاعيبة كتير للمنتخب".
وتابع:"لاعيبة مصر عملوا اللى عليها وبقول للناس برافو متشكرين جدا عملتوا اداء عظيم، وانا بالنسبة لي الوضول للدوحة أهم، وصلاح يتعمل فيه كتب ومسك الكورة جوا خط الـ 18 محدش عارف ياخدها واتحدى في كل البطولة كل الطرائف الفنية والحلويات والشربتات كلها من عند محمد صلاح النهاردة لم ومرقص 2 و3 و4 الراجل موهوب موهبة غير طبيعية وغير عادية من اين تأتي بكل هذه العبقرية يا صلاح شيء مذهل، شيكيوا يا شيكيوا محمد صلاح مفيش زيه".
 

اسوأ بطولة افريقية

ولفت:"اللاعيبة بيلعبوا في ملاعب صعبة وحرارة ورطوبة عالية دي اسوأ بطولة اتعملت من سنين، ويجب تكريم لاعبي منتخب مصر".
 

عباقرة لاعبي مصر

وأكمل:"لاعيبتنا عباقرة واساتذة وكل الأرقام كانت بتعطي المغرب الأفضلية عن مصر ولكن لاعبينا كانوا كبار وابطال".