عمرو أديب: أحب أعيش في رياض محمد بن سلمان وبوسي شلبي وطنية عظيمة
قال الإعلامي عمرو أديب: "العلاقات المصرية السعودية لن يستطيع أحد أن ينال منها، ولا أحد يستطيع أن يقترب منها حتى من خلال اللجان".
علاقات مصر والسعودية
وأضاف خلال برنامج "الحكاية" المذاع علي قناة "إم بي سي مصر": "ليه ناس بتحاول تهز جبل العلاقات المصرية السعودية، ولكن محدش هيقدر لأنه جبل راسخ".
حفل جوي أورادس
ولفت: "يوم الخميس اللى فات كان فيه حفلة جوي أواردس وهي ضخمة وشيء نفخر بيه كلنا وملقوش في الحفل عيب قالك تعالي نطلع فيه عيب، ومسألة الجوائز لها علاقة بالتصويت، ولكن اللى حصل حالة من حالات الاصطياد والتنمر، ولأننا الاَن في السعودية الجديد فبقى رجل السعودية يرد وتركي ال الشيخ عمل رد من ساعة بيرد فيها علي حملة الهجوم علي الحفل".
شجاعة تركي آل الشيخ
وتابع: "لن أكون أكثر شجاعة من تركي آل الشيخ، واللى راح موسم الرياض هيشوف الفن المصري موجود بقوة، واسألوا كام فنان مصري شارك في موسم الرياض 1و 2 نحن نتحدث عن مئات الفنانين، وعندنا ممثلين من المسرح القومي شغالين هناك وكل ده موجود علي مدي العام، واسألوا العازفين والمطربين المصريين راحوا هناك كام مرة".
التنمر على حسن الرداد وبوسي شلبي
وأكمل:"حالة التنمر اللى اتعملت للزميلة بوسي شلبي هي عملت ايه يا جماعة عملت دور وطني جدا لما قامت من مكانها وراحت للفنان رترافولتا وقالت له ما تيجي مصر، الست يتم التنمر بيها وهي بتعمل شيء وطني كبير جدا وعظيم، والمفترض كنا نشكرها..ايه الحرام اللى حصل، وهناك 3.5 مليون مصري سعداء في المملكة العربية السعودية، أما حسن الرداد ايه مشكلته لما قال عايز يعيش في السعودية هو قال عايز يعيش في حتة وحشة رياض محمد بن سلمان جميلة وكل العرب أوطاني وهو بيتعامل معانا اننا جزء منه، وأنا أحب أعيش في رياض محمد بن سلمان زي ما بحب اعيش في قاهرة عبد الفتاح السيسي وشاء القدر ان فيه نهضة في البلدين، والسعودية فاتحة ايديها لكل ما هو فن مصري".
وحدة السعودية ومصر
وتابع: "مينفعش ومتقدرش تفرق بين مصر والسعودية، ولكن بعض الحاقدين مش عايزين يبلعوا الحفاوة والتعاون بين البلدين، واللى قدم حفل جوي أواردس مذيعة مصرية ولاعب كرة سعودي، واحنا الاتنين واحد".
