سمية الخشاب للساخرين من طحالها: "عندي مصيبة وبتعملوا كوميكس.. يا رب تشوفوا اللي أنا شفته"
قالت الفنانة سمية الخشاب: "أنا مستغلتش تصريحاتي عن فقدان الطحال علشان أكون نجمة سوشيال ميديا، وهما اللي استغلوا تصريحي وعملوا عليه كوميكس".
كوميكس طحال سمية الخشاب
وأضافت خلال الجزء الثاني من لقائها ببرنامج "حبر سري" المذاع على قناة "القاهرة والناس": "أنا فقدت طحالي ودي مش حاجة لطيفة أني أقعد أتكلم عنها وبعتبرها حاجة سخيفة مش نكتة، ومينفعش الناس تطلع كوميكس عليه وتهزر، وأقولهم إن شاء لله تجربوا وميبقاش عندكم طحال، وده مينفعش ولازم الناس يحترموا مشاعرنا".
مصائب الناس
وتابعت: "مينفعش نهزر ونضحك ونطلع كوميكس على حاجات تتعبنا إحنا كبشر، وماينفعش نعمل كوميكس على ناس بتتألم وعندها مصايب في حياتهم".
رسالة سمية الخشاب
وأكملت: "مينفعش مشاكل الناس وأوجاعها تكون مادة للسخافة والهزار، وأنا اتوجعت لما الناس اتريقت على فقدان طحالي، وإزاي يقولوا لي إزاي الطحال أنا خلاص معنديش طحال فقدته".
أخبرت خبيرة تاروت، الفنانة سمية الخشاب، في الجزء الأول من نفس اللقاء"، أن هناك شابًا جميلًا عمره 40 إلى 45 عامًا يحاول يعمل سحرًا لها.
سحر سمية الخشاب
وعلقت سمية الخشاب: "اللي طاقته طاقة النور مينفعش معاه السحر، والحمد لله أنا عندي طاقة نور، إحنا أقوى كتير من السحرة والمشعوذين لأننا مع ربنا".
سر سمية الخشاب القديم
وأضافت سمية الخشاب: "أنا دايمًا بتأذي بموضوع الأسحار والأعمال، وكنت زمان بتأثر بيها لكن دلوقتي لأ".
على جانب آخر، وجَّهت سمية الخشاب لجمهورها نصائحَ خلال لقائها في برنامج كلام الناس، وقالت: "احترمت نفسي وبقيت أهتم بصحتي، وأملى بطني بطبق السلطة عشان أشبع، قبل كده كنت بضرب مكرونة بالبشاميل ومحاشي زي ما قلبك يحب".
وتابعت سمية الخشاب: "أنصح كل الناس إنهم في الشتاء ياكلوا كوارع وخصوصًا الرجلين الأمامية للبقرة، هاتوها واغسلوها كويس جدًا، وادخلوا على موقع يوتيوب هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم".
وكانت قالت الفنانة سمية الخشاب: إن السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة، معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.
رسالة سمية الخشاب للسيدات
وقالت سمية: "مفيش ست تستاهل الخيانة، لو هي مقصرة يطلقها ويشوف غيرها"، وكتبت سمية الخشاب تغريدة على تويتر: "لو اتخانتي مرة وعديتيها يبقى تستاهلي تتخاني مليون مرة".
ووجَّهت رسالتها للسيدات قائلة: "مش عارفة ليه كتير من الستات بيبقوا فاكرين نفسهم أذكياء وبيمسكوا موبايلات جوازهم وقال يعني معاهم الباسورد يعني كده هو مبيلعبش بديله، حبيبتي لو مسكتي عليه حاجة في ٥٠ حاجة تانية مش هتعرفيلها طريق".
لا تستحق الخيانة
وأضافت: "يعني نسبة كبيرة من الرجالة بيخونوا إلا من رحم ربي، والمشكلة بيبقوا معاهم ستات أحلى من اللي بيخونوهم معاها".
