رئيس التحرير
عصام كامل
Advertisements
Advertisements
Advertisements

بعد الصلح مع نصر محروس.. تفاصيل ألبوم بهاء سلطان الجديد

بهاء سلطان
بهاء سلطان

يستعد المطرب بهاء سلطان لطرح ألبومه الجديد الذى يحمل عنوان "سيجارة" خلال الأيام القليلة المقبلة، ومن المقرر أن يتم طرح أغنية كل 10 أيام، ويضم الألبوم ما يقرب من 8 أغان.

ويضم الألبوم هذه الأغاني التي أعلن عنها المنتج نصر محروس أمس "تعالى أدلعك، وليالي طويلة، وعاملين الصح".

نصر محروس يوقع براءة ذمة لـ بهاء سلطان

قال المنتج نصر محروس: "اتشتمت كتير أوي على السوشيال ميديا بسبب أزمتي مع بهاء سلطان، وأنا ما كنتش موقف بهاء عن الشغل، والمشكلة في أساسها عدم احترام العقود".

مشكلة نصر محروس وبهاء سلطان

وأضاف خلال لقائه ببرنامج “صاحبة السعادة” الذي تقدمه الفنانة إسعاد يونس بقناة “دي إم سي”: “ضايقتني الشتائم التي وجهت ليا والهجوم اللي تعرضت له بسبب أزمة بهاء سلطان ومحبتش أرد لأننا في الآخر ما ينفعش ننشر غسيلنا قدام الناس، لازم نقف عند العشرة والعيش والملح والجدعنة واحنا مصريين في الآخر ولازم نكبر للعشرة”.

علاقة جديدة مع بهاء سلطان

وتابع: "هبني آخر طوبة وبهاء سلطان ماشي من عندي، وأنا متنازل عن ماديات وسنين عمر، بس اللي مفرحني إنى مبسوط وبهاء سلطان أخويا والحاجة رايحة بيت أخويا ومش مهم أي حاجة، واللي يهمني أنه ينجح ويرجع تاني".

نجاح إسعاد يونس في إتمام الصلح

ونجحت الفنانة إسعاد يونس في إتمام الصلح بين بهاء سلطان ونصر محروس، خلال حلقة برنامج “صاحبة السعادة”.

وقال نصر محروس:"بهاء سلطان حبيبي وروح قلبي وعشرة سنين وأيام الشقا وده أقوى من أي مشاكل أو ماديات أو تعاقدات ويكفي الحب اللي بيننا وهو أطيب حد في الدنيا وهتفضل إيدي خدامة ليك طول العمر وربنا يسامح اللي شتمني، ولو بسامح في فلوس بيننا لأخويا وبيت أخويا وما ينفعش أخون اللي بنيت وأهد"، ليرد بهاء سلطان:"على رأسي بعيد عن المشاكل واللي حصل، وهو قال لي أنا هفضل في ضهرك حتى لو بعدت عني، ولك معزة في قلبي والحمد لله إن ربنا وصلك الإحساس الحلو اللي جوايا ليك، احنا بقالنا 23 سنة مع بعض".

نهاية أزمة بهاء سلطان ونصر محروس

وأكد نصر محروس: “بهاء سلطان فري من نصر محروس وهفضل خدام له فنيًّا وإنسانيًّا؛ وعمري ما هكون سبب عثرة في طريقه ولا هو ولا شيرين ولا تامر حسني”، ليرد بهاء سلطان: كنت بحلم إننا نبقى إخوات وعلاقتنا تبقى كويسة، والحمد لله ده اللي حصل.

 براءة ذمة من نصر محروس لبهاء سلطان

ووقع المنتج نصر محروس على الهواء براءة ذمة منه إلى بهاء سلطان، من أي التزام بسداد المبالغ المستحقة عليه ومن تنفيذ العقود المحررة ويحق لـ"سلطان" التعاقد مع أي شركة دون أي مشكلة أو اعتراض.

زغرودة إسعاد يونس

ووقع نصر محروس براءة ذمة بهاء سلطان بتاريخ 14 ديسمبر 2021، لتطلق الفنانة إسعاد يونس زغرودة على الهواء، وعانق بهاء سلطان نصر محروس ليكتبا نهاية لأزمتهما.

Advertisements
الجريدة الرسمية