الكلام على مين.. اعرفوه لو كنتم شاطرين

يا غاوية تويتر وعاشقة التغريد

وكل يوم عندك موضوع جديد

يا بت يا هيرو يا حالقة زيرو

يا ترى دى هموم ولا لوك جديد

يا مالكه قلوبنا بحلو غناكى

بنضحك ونبكى دايما معاكى

لينا سؤال صغير حداكى

زينة المرأة فى شعرها

وانتى رميتى دا كله وراكى

ياريت تجاوبى وهنكون معاكى

جرح تانى دا ولا دواكى؟!

نصيحه يا سمرة يا بنت "عبوهاب"

انسى اللى راح وبلاش العتاب

انتى بفنك فوق السحاب