رئيس التحرير
عصام كامل
Advertisements
Advertisements
Advertisements
Advertisements

جه الوقت اللي أنقذت نفسها.. أول تعليق لـ"عمرو أديب" على طلاق شيرين من حسام حبيب

شيرين عبد الوهاب
شيرين عبد الوهاب وحسام حبيب
Advertisements

علق الإعلامي عمرو أديب على انفصال المطربة شيرين عبد الوهاب عن الفنان حسام حبيب، بعد أزمة تسريبات والده الأخيرة.

طلاق شيرين عن حسام حبيب

وقال عمرو أديب خلال برنامج "الحكاية" المذاع على قناة "mbc مصر": "شيرين انفصلت عن حسام حبيب لأسباب معينة لكن بوفاق وبما يرضي الله".

 

أزمة الفنانين

وأضاف: "عايز أقول إن المشكلة مش عند شيرين لكن في واقع الظاهرة بتاعة عدد من المشاهر بنلقي كثير من الفنانين حاطين حياتهم الشخصية على منصات التواصل الاجتماعي وبيتكلموا إزاي بيحبوا بعض وانتى أجمل اختراع بعد الكهرباء وهاتي بوسة وبعدين بعد شهرين من الجواز نلاقيهم اتطلقوا، وأنا رأيي الفنان من حقه يحتفظ بحياته الشخصية ومحدش يعرف عنه حاجة".

 

العلاقة المسممة قبل الطلاق

وتابع: "كل يوم فيه ناس بتطلق وتتجوز، وممكن في أول الجواز الدنيا تكون حلوة لكن ممكن يحصل صدام بعد كده والعلاقة تبقى مسممة وميحصلش كيميا فيبقى شيل ده من ده يرتاح ده عن ده، أدرك أن موضوع الطلاق مؤلم خاصة للمشاهير لكن الناس زي ما دخلوا بالمعروف انفصلوا بالمعروف، وضروي شيرين تهتم بعيالها وفنها".

 

حياة شيرين الجديدة

وأكمل: "المشاهير والفنانين حياتهم صعبة أوي وبتتعب تعب شديد وفيه مسئولية كبيرة، شيرين زيها زي أي حد كان عنده زيجة وحصلت فيها مشاكل وانفصلوا بالمعروف، والموضوع مش عجيب ولا غريب زيها زي أي مواطنة، وبيجي وقت الإنسان ميقدرش يكمل في الزواج، أو يكمل وهو بينزف أو بيتألم أو ينقذ نفسه ويخرج من العلاقة ويبدأ حياة جديدة ويعرفوا حد أو ميتجوزوش، ربنا معاهم ويسعدهم، وشيرين عندها حفلة يوم 10 في أبو ظبي تشوف حياتها وحسام كمان يشوف حياته".

إعلان شيرين الطلاق

وأعلنت النجمة شيرين عبد الوهاب أن انفصالها عن زوجها حسام حبيب وقع بالفعل، موضحة أن أسباب الانفصال تخصها وحدها ولا داعٍ للخوض في تفاصيل حياتها الشخصية.

 

انفصال شيرين وحسام 

وأهابت شيرين عبد الوهاب بالصحافة وجميع وسائل الإعلام باحترام حياتها الشخصية، وتحري الدقة فيما ينشر، وعدم نشر أي أخبار أو مزايدات الغرض منها النيل من شخصها، مؤكدة أن الانفصال حدث فى هدوء تام، ولا توجد خلافات بينها وبين طليقها حسام حبيب على الإطلاق، وكل ما ورد من أخبار فى هذا الشأن لا أساس له من الصحة ويأتى فى إطار قلب الحقائق، مؤكدة أنها تُكن كل الاحترام لحسام حبيب.

Advertisements
Advertisements
الجريدة الرسمية