أنا تعبت وعاوز حد يساعد.. الخطيب يكشف سر اختياره لـ حسام غالي في قائمته الانتخابية
كشف الكابتن محمود الخطيب المرشح لرئاسة النادي الأهلي، السبب وراء استعانته بنجم الأحمر السابق وعضو مجلس النواب حسام غالي في قائمته الانتخابية.
دور حسام غالي
وقال “الخطيب” خلال لقائه ببرنامج “ملعب أون تايم” الذي يقدمه الإعلامي أحمد شوبير بقناة “أون تايم سبورت”:"تعبت جدا الفترة اللي فاتت مع الفريق، لذلك فكرت في حد يكون قريب من الكورة فاختارت حسام غالي إيه المانع انه يكون موجود ويكون منسق بين شركة الكورة، وحسام لازم يبقي له دور في المساعدة".
مستهدف الأهلي الفترة المقبلة
وتابع:"مستهدف النادي الأهلي الفترة المقبلة هو العالمية بوجود شخصيات بارزة في الشركات ومجلس الإدارة، وعندنا خالد مرتجي عنده علاقات عالمية وعنده القدرة لنقل النادي اقتصاديا عالميا".
دعم أعضاء الأهلي السابقين
وأضاف:"إبراهيم الكفراوي ورانيا علواني وجوهر نبيل خارج القائمة والثلاثة يساندون مصلحة الأهلي رغم خروجهم، اللي عايز يخدم النادي يخدمه بره أو جوه القائمة، مصلحة الأهلي هي التي تحكمنا حتى لو كانت على حسابي.
خبرة العامري فاروق
وأردف:" العامري فاروق يكفي لقب الوزير الأسبق، وعارف كل القوانين ولما بحتاج أعرف حاجه بابصيها للعامري وأقوله عاوز أعرف ايه الموضوع دا، يجيبلك تفاصيل التفاصيل عنده خبرات كتير جدا.
رئاسة النادي الأهلي
وأكد الكابتن محمود الخطيب، في نفس اللقاء:"لم أحلم أو اخطط لرئاسة الأهلي الا مع ترشحي في انتخابات 2017".
وأضاف:":"خسارة إنتخابات النادي الأهلي السابقة ما كانت لتمنعني عن التواجد داخل جدران النادي الأهلي"
هواء النادي الأهلي
وتابع:" النادي زي بلدنا الريفية، تحس بريحة الهواء مختلف جوه النادي، وأنا جزء، وجزء بسيط من الأهلي".
تقصير محمود الخطيب
وبسؤاله:"إمتى حسيت إنك هتكون محمود الخطيب؟، علق:"عمري ماحسيت بده بالعكس أنا حاسس إني قصرت أو ماستحقش اللي بشوفه ده، كان يجب إني أكون أفضل من كده 100 مرة في كل حاجة من اللي بشوف من حب عند الناس، دايما بسأل نفسي وبحاسب نفسي هل اللي أنا قدمته يستاهل ده".
وقال الكابتن محمود الخطيب المرشح لمنصب رئيس النادي الأهلي، في نفس اللقاء: "وجعني لما حد لسن عليا أو يتكلم عن أسرتى بشكل وحش لأن أسرتي متستحقش كده بس هما فهموا إن ده قدرنا، وتعلمت المبادئ والأخلاق من أبويا وأمي اللى ضحوا بالكثير من أجلنا".
رد الخطيب على المتجاوزين
وتابع خلال لقائه ببرنامج “ملعب أون تايم” الذي يقدمه الإعلامي أحمد شوبير بقناة “أون تايم سبورت”: "احنا مش هينفع نعامل الناس بأخلاقهم اللي هما مش مظبوطين.. مش هينفع سلوكيتنا تعامل الناس دي بنفس سلوكهم".
رسالة الخطيب للمتجاوزين
وأضاف الخطيب: "أنا بعامل الناس اللي مش مظبوطة أخلاقيًا بأخلاقي أنا ولكن مش بعاملهم بأخلاقهم هما وهو دا قدر العمل العام والاحترام بصفة عامة".
الخطيب يعتذر لأسرته
وأكمل محمود الخطيب: "أعتذر لأسرتي ولكن فضل الأهلي عليا يستحق التضحية".
