رئيس التحرير
عصام كامل
Advertisements
Advertisements
Advertisements

نص أقوال المبلغة في قضية رشوة حي البساتين

محكمة
محكمة

حصلت فيتو على نص أقوال المبلغة عن قضية رشوة حي البساتين  والتي تحقق فيها النيابة العامة.

    
وجاء في نص الأقوال
س: ما اسمك وعملك؟
ج: لبني سعيد محمود سالم


س: ما معلوماتك بشان الواقعة محل التحقيقات؟
ج: اللي حصل اني وزوجي في غضون عام 2018 اشترينا وحدتين من شخص يدعى السيد الكموني صاحب شركة الكموني للمقاولات في العقار رقم 5 بلوك 67 الشطر العاشر زهراء المعادي البساتين في الدور الارضي مطلة على الوجهة وفي الدور الأول على انهم تجاري وعملنا عقد بكده واشتريناهم بمبلغ 800 ألف للوحدة الواحدة كاش وتقيسط للوحدة الثانية 750 الف جنيه ومنذ شراءنا للوحدتين لم نستطع تاجير أو فتح المحلين لعد وجود مرافق بالعقار ولبنا من صاحب العقار عدة مرات إلا أنه كان بيماطل وحتى سددنا كل الأقساط للوحدة الثانية علشان يخلصنا وده في عام 2020 ولكنه برضة مدخلش المرافق.

وبعد لما اشترينا لقينا العقد مكتوب فيه انه وحدة سكنية وعرفنا من جيرانا ان كل المحلات في الزهراء اصلا وحدات سكنية ومحول النشاط وعرفنا في سبتمبر 2020 ان فيه قانون جديد صدر بالتصالح في مخالفات البناء فقررنا اننا نروح تعمل التصالح عشان نكون ماشيين قانوني فسألنا جيرانا أصحاب المحلات فصاحب جوزي اسمه اشرف وهو صاحب محل في نفس العمارة قالنا ان فيه مكاتب سمسرة هي اللي بتخلص كل الاوراق علشان التصالح وهو يعرف مكتب كويس جنب الحي، فساعتها وصلنا بمدام وفاء وزوجها ياسر واتقابلنا كلنا عندهم في المكتب ودفعت لوفاء كذا مبلغ مالي على مراحل عشان نجهز كافة الاوراق ولكننا حسينا أنهم متباطئين في الإجراءات فابتدينا احنا بنفسنا نروح على الحي عشان نخلص الأوراق ولكن لقينا هناك تعنت شديد من موظفي الحي وخصوصا الاستاذة أسماء أحمد البكري مديرة الإسكان في الحي.

 ولما لقينا الطريق اتسد رجعت اتكلم مع وفاء تاني وقالتلي ان اسماء دي صديقتها الشخصية وانها ممكن تساعدنا ننجز الإجراءات وبالفعل بعدها مدام وفاء جاتلنا انا وباقي المحلات في العمارة بنموذج 3 تصالحات وقالت لنا دلوقتي في نموذج 5 وهي هتمضي على النموذج ولكن المهندسة اسماء عاندة ومصممة ان كلنا كأصحاب محلات نملى النموذج مع بعض عشان يترفع كله للجنة ونصدر نموذج 10 تصالح نهائي في المحافظة.


 ولكني صدمت لما وفاء قالتلي ان اسماء طالبة 30 ألف جنيه عن كل وحدة بإجمالي ما يزيد عن 200 ألف جنيه واحنا قلنا ان المبلغ ده كتير جدا فمدام وفاء قالتلنا فعلا كتير وهي أسماء لازم حد يشتكيها لانه كده بتزود جامد فقعدنا نساوم لحد ما وصلنا لمبلع 100 ألف جنيه لينا كلنا وبالفعل جمعنا الفلوس وفي الوقت ده كنت انا بسال عن الرقابة الإدارية لاني عرفت انهم بيشرفوا على الأحياء ووصلت لمقر الهيئة وقابلت طلعت بيه وحكيتله عن كل الموضوع وده كان يوم 17 مايو 2012 وهو نبه عليا اني متواصلش معاها غير لما اكلمه ولا اقابل حد فيهم، وفعلا بعدها بكام يوم كلمني وقالي احنا محتاجينك تكلمي وفاء وتقوليلها اننا موافقين على 100 الف جنيه زي ما اسماء طلبت ولكن لازم تقدمها ليها هي شخصيا عشان المكتب مياخدش الفلوس منهم وعشان نتاكد انها مش هتعمل ضدنا محاضر او توقف نموذج 10 من الاصدار.

وفعلا كلمت وفاء وابتدينا نتناقش في الموضوع واتفقنا نروح لأسماء في الحي وده كان يوم 19 مايو 2021 وفي نفس اليوم الصبح روحت الرقابة وقابلت الضابط وهناك الفنيين ركبوا الاجهزة تحت الهدوم وادوني شنطة فيها كاميرا وروحت قابلت وفاء في مكتبها جنب الحي وبعدين طلعنا على الحي الدور الثالث ودخلنا مكتب اسماء وهناك ابتدينا نتكلم عن الموضوع ولاحظت ان اسماء للمرة الأولى بتتكلم معايا بشكل كويس وبتهزر وقالت صراحة انها هتمشي الموضوع علشان خاطر وفاء وكانت فاكرة ان الفلوس معايا الوقت ده وقالتلي سييبها ولكنها لما بصت في الملفات لقيت انهم ناقصين حاجة تثبت التاريخ قبل القانون واحنا وعدناها نجيبها تاني يوم وهي وعدتنا انها هتمضي نموذج 5 في اليوم التالي.

 

واتقال صراحة انها ليها الـ 100 الف جنيه وهي أقرت بده وفي اليوم التالي روحت برده الصبح للرقابة الإدارية وتم تجهيزي بنفس الأجهزة وادوني الفلوس المسلسلة 100 ألف جنيه وروحت لوفاء وطلعنا علي اسماء في الحي وقعدنا نتكلم معاها واديناها الاوراق اللي كانت ناقصة ولكن علشان الضابط كان منبه عليا اني اؤكد عليها المبلغ المالي فاتكلمت معاها وتجاوب ولكني قلت وكررت الموضوع عشان التاكيد فهي توترت وفجاة قامت جريت وقالت لوفاء الموضوع ده مش حلو وانا ماشية وبعدها نزلت مع وفاء وقابلنا جوزها في العربية وقعدوا يوبخوا فيا واتكلموا بطريقة مش كويسة.


وقررت الدائرة 26 جنايات القاهرة، المنعقدة بمحكمة التجمع، برئاسة المستشار شعبان الشامي، اليوم الخميس، إخلاء سبيل الوسيطة في قضية "رشوة حي البساتين".

وحضر مع المتهمة فريق دفاعها المكون من المستشارين إسماعيل بركة ومحمد اسماعيل واشرف طه وطالبوا بإخلاء سبيل موكلتهم كونه لا يخشي علي هروبها، بالإضافة إلي أنها موظف عام، لتقرر المحكمة إخلاء سبيلها.
كانت الأجهزة الأمنية ألقت القبض على موظفة بحي البساتين؛ لاتهامها بطلب مبلغ مالي من محامية على سبيل الرشوة.

وكشفت تحريات الرقابة الإدارية، طلب الموظفة مبلغا ماليا على سبيل الرشوة من محامية للإخلال بأعمال وظيفتها، مستغلة موقعها الوظيفى، مما يضر بالمال العام.

ووجهت النيابة العامة للمتهمة تهم الرشوة وتلقي المال، واستغلال وظيفتها ومنصبها؛ للإخلال بالقانون، وذلك عقب مواجهتها بالمبلغة.


عقوبة الرشوة
ونصت "المادة ١٠٣": على أن كل موظف عمومى طلب لنفسه أو لغيرة أو قبل أو أخذ وعدًا أو عطية لأداء أعمال وظيفته يعد مرتشيًا ويعاقب بالأشغال الشاقة المؤبدة وبغرامة لا تقل عن ألف جنيه ولا تزيد على ما أعطى أو وعد به، وإعفاء الراشي والوسيط من العقاب فى حالة الاعتراف بوقائع الرشوة.

فيما نصت المادة ١٠٧ مكرر من قانون العقوبات، فهناك إعفاء وجوبى للراشى ووسيط الرشوة من العقاب فى حالة الاعتراف بوقائع الرشوة المنسوبة إليهم مع المتهمين بالرشوة ولم يحدد القانون أى شروط أو مرحلة تكون فيها الدعوى لهذا الاعتراف حتى ولو كان لأول مرة أمام محكمة النقض، كما تم تشريع تلك المادة من أجل أمرين، الأول أن يتم تطهير النظام الإدارى للدولة، والثاني تخويف الموظف العام من واقعة الفساد وترسيخ أن الراشي أو الوسيط.

يشار إلى أنه بالنسبة لإعفاء الراشي والمرتشي هناك 3 حالات، حيث تتمثل الحالة الأولى فى الإبلاغ قبل وقوع الجريمة، أثناء وقوع الجريمة، بعد حدوث الجريمة، وهنا المادة 107 و106 والمواد بخصوص الرشوة تنص على أنه: "يعاقب الراشي والوسيط بالعقوبة المكررة للمرتشي ولكنه يعفى الراشي أو الوسيط من العقوبة إذا أبلغ السلطات".

والقانون يعاقب بالحبس والغرامة لا تقل عن 500 جنيه من عرض أو قبل الوساطة في الرشوة قبل أن تقع الجريمة طبقًا للمادة 109 مكرر ثانيا، وبحكم القانون يتم مصادرة ما يدفعه الراشي والوسيط وما حصل عليه المرتشي على سبيل الرشوة لصالح الدولة، حيث إنه إذا تم إلغاء هذه المادة لن يتم تشجيع المواطنين عن الإرشاد على الجريمة، لأن 90 % من قضايا الرشوة تتم عن طريق إبلاغ الوسيط أو الراشي.

Advertisements
الجريدة الرسمية