شاهد.. متسول يملك رزمة من النقود حصيلة يومه يثير جدلًا بين النشطاء
فجر مقطع فيديو تداول نشطاء مواقع التواصل الاجتماعي لأحد المتسولين في محافظة السويس، يملك رزمة من النقود، حصيلة يومه من التسول، حالة من الجدل بين نشطاء مواقع التواصل الاجتماعي، فالبعض يرى أن التسول ظاهرة يجب القضاء عليها ويجب تحري الفقراء لمنحهم الصدقة، في حين يرى آخرون أن الرجل ليس معه سوى بضعة جنيهات قليلة تعينة على حياة الفقر التي يعاني منها.
وكشف الفيديو حصول أحد المتسولين على رزمة من النقود، كشفها عندما طلب منه أحد المارة "فكة" مائة جنيه، وهنا أخرج المتسول حصيلته اليومية من الأموال التي حصل عليها نتيجة التسول.
جدل بين النشطاء
حالة الجدل عبر عنها نشطاء مواقع التواصل الاجتماعي، فقال باك دور "فيديو متداول لمواطنين يطلبون #فكة من #متسول على سبيل الاختبار ليتفاجؤوا بكيس نقوده الممتلئ قرب دوران شارع الجيش في #السويس".
ورد راتب الأقرع: "أنا لما بعطي بعطي الله عز وجل مش بعطي الشخص بصرف النظر عنه".
وعلق أحمد الهمشري قائلًا: "وفي الآخر نسمع إن الشحات بيبني عمارات ويقولو عليه غلبان وما تفتروش على الغلبان وكأن الناس مش شايفة إن الشحاتة معظمها بقت مهنة وشغلانة سهلة وده طبعا مكسب حرام وهيتحاسب عليه يوم القيامة، ومع ذلك الناس بتساعدهم في الحرام مع أن الفقراء المتعففين ربنا قال عليهم في القرآن يحسبهم الجاهل أغنياء من التعفف، ودول المستحقين فعلا للصدقة مش المتسولين النصابين اللي بيتسولو بدون الحاجة، إلا أنه عاوز يكسب وخلاص.. الخلاصة المفروض نتحرى عن المحتاج فعلا ودول هنلاقيهم في مجتمعنا وحولنا لو احنا عاوزين ندور فعلا".
حصيلة يومية
وعبر مالك عن غضبه قائلًا: “وبالعقل دي حصيلة يوم، ما تتقوا الله وشوفول الحراميه اللي مش قادرين تسلطوا عليهم الضوء ولا الكاميرات بتاعتكم ما بتجيبش غير على الغلبان وبس”.
وقالت فاطمة الزهراء:"مين اللي قال إنهم حصيلة يوم ده غير أن كلهم خمسات ولو معاه فلوس هيبقي لزمتها إيه طالما عايش شحات وهيموت شحات ده انتوا ناس غريبه جدا".
وعلق عمرو محمد أحمد قائلًا: "دول عصابات مش ناس غلابة".
وردت أعشق صمتي ووحدتي فقالت: "وإيه المشكلة لما يكون في شحات معاه فلوس ما احنا الحمد لله مبسوطين ومعانا فلوس وبنحوش على قلوبنا أما ده شحات ربنا اللي عالم بيه يا ريت بس كل واحد يخلي باله باللي هو فيه وسيبوا الناس في حالها".
وقالت بوسي فتحي: "هينزل قانون ضرائب على المتسولين".
أما شوقي عبد الغني فعلق قائلا: “على فكرة ممكن فعلا يكون غلبان والمبلغ اللى معاه مبلغ زهيد لأنه من فئة ال 5 جنيهات، وأيا كان المبلغ هذا رزقه وانت يا متبرع تبرعت لله، اترك عملك لله وتؤجر عليه ولا تحاسب من أخذه فالله أعلم بحاله وأحواله وربما يعول أسرة فقيرة تحتاج هذه الجنيهات الزهيدة من كل متبرع”.
