إسعاد يونس: بداري الكرش في برنامج صاحبة السعادة.. ودينا الشربيني بتشفط |فيديو

قالت الفنانة اسعاد يونس:"أنا أكيلة كوارع بالفتة البيضاء واللى علمهالي الراحل حسين الإمام، وأنا من النوع اللى بيفنن في عمايلها".

إسعاد يونس تتحدث عن أولادها وأحفادها: بتقطّع على غربة ابني في لندن

مفاجأة إسعاد يونس لأمير كرارة في "سهرانين"

أكلات مفضلة للفنانة إسعاد يونس

وأضافت إسعاد يونس  خلال لقائها ببرنامج "سهرانين" الذي يقدمه الفنان أمير كرارة بقناة "أون إي":"أنا بحب الحمام المحشي والملوخية والرقاق والكشك".
 

كيف تتعامل إسعاد يونس مع مشكلة الكرش

ولفتت:"اللي خلاني عملت دايت لما وصلت 86 كيلو جرام وكنت بحط مخدة صغيرة قدامي في برنامج صاحبة السعادة علشان اداري الكرش وأحسس الضيف إننا قاعدين علي راحتنا، وأنا مقدرش أشفط كرشي زي دينا الشربيني اللى قالتلي أنا بشفط قولتلها يا بنتي مقدرش اشفط نفسي يتقطع".

 وحلت الفنانة إسعاد يونس ضيفة على أولى حلقات الموسم الجديد من برنامج "سهرانين"، الذي يقدمه الفنان أمير كرارة على قناة ON، اليوم الأربعاء، لتكشف العديد من التفاصيل عن حياتها الشخصية والفنية، وغيرها من الأمور.

الأبناء

أوضحت إسعاد يونس خلال اللقاء أن أولادها "نورهان وعمر" بعيدان عن المجال الفني، رغم حبهما الشديد للأعمال الفنية، ومتابعتهما الدقيقة لكل ما يُعرض، موضحة أن نورهان درست التسويق، بينما عمر درس البيزنس في لندن ويعيش هناك منذ دراسته الجامعية وحتى الآن، بل تزوج واستقر هناك تماما.

تابعت: "عمر درس الجامعة في لندن واشتغل وعايش حياته هناك من ساعتها، أنا بتقطّع على غربته وحياته هناك بس مصلحته أهم، أحفادي من ابني هيموتوني عشان عاوزه اشوفهم دايما.. الكورونا جت طبعا قضت علينا كنا، لأن كنا كل شوية جايين رايحين نسافر عشان نشوف بعض".

أحفاد إسعاد يونس

وأشارت الفنانة إسعاد يونس إلى أن أحفادها من ابنها يعيشون في الخارج وتشتاق إليهم دوما، قائلة: "ولاد ابني دول خواجات بقى عايشين في لندن مبشوفهمش"، بينما حفيدتها "هانيا" البالغة من العمر 6 سنوات، لديها ميول فنية عديدة، مضيفة: "هانيا دي بنت بنتي، بتغني وترقص.. وصاحية أوي، هي اللي شبهي شوية".

وعن نشأتها التي سهلت عليها أجواء الوسط الفني، قالت إسعاد يونس  إن والدها كان يعمل طيارا حربيا، وفي الوقت ذاته يكتب في "روزاليوسف"، مضيفة: "لذلك بيتنا على طول كنت ألاقي فيه صلاح جاهين ومفيد فوزي وأحمد بهاء الدين، شوية وبقيت أشوف محمد علواني وآمال فهمي وطاهر أبو زيد، وعند خالتي اللي كانت مطربة تقيلة وقتها شوفت في بيتها بيرم التونسي وأحمد رامي وملحنين زمان رؤوف أسعد وغيره، النشأة كلها طلعتني كده، غير إن أمي غنّت شوية برضو بس مكملتش لأن اتجوزت صغيرة". تضيف إسعاد: "بعدين أبويا لما اشترك في قطار الرحمة وقت ثورة 52 كنت بلاقي في بيتنا صلاح ذو الفقار وماجدة الصباحي وبرلنتي عبد الحميد وغيرهم كتير.. ربنا ظبط حياتي إن أنا ابقى في المناخ الفني ده أنا وإخواتي من وإحنا صغيرين".