هاشتاج الثانوية العامة يتصدر التريند.. والنشطاء: المجاميع قدر
تصدر هاشتاج "الثانوية العامة" المركز الأول في تريند مصر على مواقع التواصل الاجتماعي، بمجرد إعلان نتيجة الثانوية العامة التي أعلنها وزير التعليم د. طارق شوقي، اليوم الثلاثاء، معلنًا نسبة النجاح في الثانوية العامة هذا العام 2021، والتي بلغت 74%، وأن عددًا قليل من الطلاب حصلوا على مجاميع تزيد عن 90%، لأول مرة.
تفاعل آلاف النشطاء مع هاشتاج "الثانوية العامة"، مؤكدين أن نتيجة الثانوية العامة هذا العام أكثر واقعية، البعض طالب من أهالي الطلاب عدم الخوف من النتيجة لأنها ليست المحدد الأساسي للنجاح في الحياة، فيما سرد البعض يوم ظهور نتيجته في الثانوية العامة الأعوام الماضية، مؤكدين أن النجاح في الثانوية العامة والمجاميع قدر من الله.
نتيجة الثانوية العامة
وقال محمد البنهاوي "السلام عليكم: نتيجة الثانوية العامة لما يكون فقط 22 طالب من علمى رياضة هم من تعدوا نسبة 95 % أو فقط 3100 طالب تعدوا نسبة 90% ممكن نقول ان كليات الهندسة الحكومية سيكون تنسيقها من 80 او 85 % والمعاهد هتبقا تحت"
وتابع مصطفى "نتيجة الثانوية العامة فيها ضحك للركب السنادي"
وأضافت سلمى الصغير "اسمحولي أبدي إعجابي بنظام الوزير طارق شوقي والتغيير اللي عمله في الثانوية العامة. شابو يا عمو والله"
وعلقت رشا الشامي "وزير التربية والنعليم اللي عايز الأهالي يتعاملوا باعتبار الثانوية العامة عام دراسي عادي عامل مؤتمر صحفي وبيعلن النتيجة بنفسه وماسك الحديدة وبيستعرض برزنتيشن. تعرفوا ايه انتوا عن تغيير الاتجاهات والصور الذهنية!"
وردت أمنية ناصر "بمناسبة الثانوية العامة يعنى انا اكتر حد كان عندة ثبات انفعالى ولا كأنى كنت ضامنة 100%بس الحمد لله جبت ساعتها 96%"
وتابع مو باهي "طلاب الثانوية العامة وأهاليهم أحسِنوا إستقبال قدر الله وإختياره فالدنيا مليئة بسعداء وعظماء ليسو مهندسين ولا أطباء"
وأضاف أحمد عواد " والله مافي حد هياخد اكتر من نصيبه اللى ربنا كاتبهوله على قد تعب وتوتر واجتهاد وسهر ليالي في مذاكرة على قد النتيجة اللى هيجبها وافتكروا ان الثانوية العامة مش اخر الكون يعني وربنا يجبر بخاطركم وخاطر أهاليكم يارب وتنجحوا وتفرحونا وتدخلوا الكلية اللي حلمتوا بيها"
الثانوية العامة
وقال بيومي عرب "طلاب الثانويه العامه عندهم امتحان اهم وأصعب من اللي فاتوا وهو الرضا بقدر ربنا وللأسف بيفشلوا فيه الا من رحم ربي.. اتأكد ان ربنا مختارلك الأحسن واتأقلم مع اللي هيجيلك هتنجح وهتعيش مبسوط يمكن اكتر من اللي كنت بتتمناه الخير فيما اختاره الله"
فيما عبر أليسندرو عن دعمه لطلبة الثانوية العامة قائلًا: "#الثانويه_العامه متخافوش يا عيال مهما كانت درجاتكم ومجموعكم متخافوش ربنا يوفقكم وينولكم كل اللي في بالكم، بس والله لو محصلش، اعرفوا انه كله بيعدي"
وقال بارسى عكايشي "الاولي علي الجمهورية بالثانوية العامة عهد مصطفى الشرقاوي الاولى على الثانوية العامة علمي رياضة من محافظة الغربية كله يقولها مبروك.. محمود أيمن محمد كمال السنطاوي الثاني على مستوى الجمهورية في الثانوية العامة علمي رياضة من محافظة الغربية يلا كلنا نقولهم مبروك"
ذكريات النتيجة
وتابع ريال زراوي "بمناسبة الثانوية العامة، انا حاسس ان عمري خلص في الكليه ومكنش له لازمة ادخل كليه طبية والله لاني ببساطة حاسس اني متعلمتش حاجه"
وأضاف محمد فوكس "انا من الدفعة #الثانويه_العامه الى نتيجتها ظهرت واحنا قاعدين بنفطر فى رمضان يوم عمرى ماانساة مكنتش مصدق والحمد لله على كرم ربنا"
وعلق حمدي سليمان " نتيجة الثانوية العامة السنه دي تحديدا بتقولكم يااولياء الأمور يالا كده على الجامعات الخاصه خصوصا الجامعات الاهليه وبالتدريج هيختفي التعليم المجاني #الثانوية_العامة2021"
وتابع كريم محمد "اللي حصل في الثانوية السنه دي، حاجه تدعو للفخر في الحقيقه، واثبات لاى حد ان النظام مهما كانت اخطائه ولكنه نجح الواحد مبسوط ان نظام التعليم بدأ يتغير ومعاه الفكر هيبدأ يتغير؛ انت اللي بتصنع القمة لنفسك مبروك لكل طلاب #الثانويه_العامه وربنا معاكم في اللي جاي"
