أغنية محمد كيلاني "القلب الأبيض" تحقق 50 ألف مشاهدة في 24 ساعة
عاد الفنان محمد كيلاني إلي عالم الغناء بعد غياب 10 سنوات بـ أغنيته الجديدة "القلب ألابيض" عبر قناته الرسمية عبر "اليوتيوب"، وحققت ألاغنية 50 ألف مشاهدة منذ طرحها بالامس.
وتقول كلمات ألاغنية:" علمناهم التجارة سبقونا على البيع يا سلام سيدي سيدي على الشطارة لا كده ده أحنا بقينا تمام والوش الاولاني دهب قشرة وغواني فى تحته حد تاني خد راحتك قول وماله خلينا نشوف اخرك إيه مش أول حد جاله فرصه يبيع قال يشتري ليه ومخطط كل حاجه راحت فين السذاجه كداب لأ وبشياكه
الله الله الله الله الله ايوا اظهر كده يلا وبان شوف شوف القلب الابيض بقى تنطق فيه الالوان الله يكون بس في عونهم... اللي هيلبسوا بعدي انا فيك لو اطول أنا اعيط واحضنهم... ع اللي هيحصل بقي وناهيك حيلك حيلك لسه باقيلك ع الفيلم ده دور ملعبتوش بان على اصلك ورينا اخرك وألعبلنا بقى ع المكشوف
يبقي عينك ف عينه ويلف عليك ويحوم ويدور واللي مديتله ايدك عد صوابعك بعده شهور بعد عمايله عشانا دلوقتي احنا اتركنا ماخلاص بقي راح زمانا ايه اللي جرا للحبايب ده بقي اللعب علي المكشوف عيشنا وشوفنا العجايب فجأة كده مافيش اي كسوف دي الكدبة وصدقوها الا ماحاولوا يداروها ولا حتي يزوقوها
سر اختيار الأغنية
وكشف محمد كيلانى عن اختياره وتحضيره لأغنية "القلب الابيض" منذ عام، وأشار إلى أنه قام بتعديلها أكثر من مرة حتى استقر على الشكل النهائى لها، وصرح محمد كيلاني بقوله: أعجبت بها لأنى وجدتها شبهى وكلماتها فيها تحدٍّ، ومصارحة، ومواجهة وأتمنى أن تصل إلى الجمهور وتنال إعجابهم، كما اعتادوا منى قبل غيابى.
خطة فنية لكيلاني
أكد محمد كيلانى أن عودته للغناء من خلال خطة فنية، ستحمل العديد من المفاجآت، حيث قرر أن يعود لجمهوره بشكل مكثف، ويقدم مجموعة من الأغنيات على فترات متقاربة، كما سيقوم بتصوير أكثر من أغنية، هذا بالإضافة إلى مشاركته فى حفلات موسم الصيف.
أغنية "القلب الابيض" من كلمات منة القيعى وألحان إيهاب عبد الواحد وتوزيع موسيقى محمد عاطف الحلو ومن إنتاج شركة MusicYard ومن توزيع شركة Digital Sound.
