خليكم كدا على طول ثائرين | ساخرون

شلاليت


خليكم كدا على طول ثائرين

وفي جميع وطنَّا شمال ويمين

وصدقوني طريق مسدود

ومافيش لزوم تفضلوا رافضين


شوفوا تاريخ شعب البطولات

طول عمره واعي بدون خلافات

والشعب بيقول لمناضلين

حكم الشعوب مش بالكلمات


ما تسمعوش ناس فاضية كتير

نازلين في كل الناس تكفير

ومفيش لغيرهم أي ضمير

وفكرهم للدنيا مصير



وصدقوني إحنا في ثبات

وكلنا في الحب إخوات

وكل واحد عنده ضمير

عمره ما يلجأ لمهاترات


شعب النضال محتاج بطولات

الحكم مش فوضى مظاهرات

أنا نفسي أقول لأهل التكفير

بلاش تعيشوا مع الأزمات




وكل مرة حاقول وأقول

شعب النضال هُوّ المسئول

ومفيش لزوم لخلاف تاني

أمام عدو غدار كالغول