أحمد زاهر يدعم المخرج محمد سامي: مشوفتش منه غير كل خير واحترام

دعم الفنان أحمد زاهر المخرج محمد سامي في منشور له عبر صفحته على موقع التواصل الاجتماعي فيس بوك.


ونشر "زاهر" صورة له برفقة محمد سامي وكتب قائلا: "انا مش ضد قرار المتحدة لأن أكيد ده له أسباب وفي سبيلها للحل بإذن الله انا ضد حملة التشويه البشعه لسمعة و شخص محمد سامي اللي بيقوم بيها بعض الزملاء و بعض اللجان الاليكترونية، أنا ضد تشويه سمعة أي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبة".


وأضاف: وبقولها و هاقولها طول عمري محمد سامي هو اللي غير حياتي بعد اراده ربنا سبحانه وتعالي ولن أنسى له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و آخرها فتحي في البرنس و دي كانت نقطة تحول تانية في حياتي".


وتابع أحمد زاهر: تفتكروا اللي شفت منه كل الخير و الاحترام و التقدير و الموهبة و النجاح ده كله مكنش جنبه و ادعمه انا مفيش في ايدي حاجه اعملها غير اني أقول شهاده حق يعلمها الله سبحانه وتعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئة.. ادعم المخرج محمد سامي".


المتحدة للخدمات الإعلامية 

وكانت الشركة المتحدة للخدمات الإعلامية أعلنت مؤخرا أنه تم اتخاذ قرار بوقف التعامل مع المخرج وكاتب السيناريو محمد سامي.


وكشف عن ذلك الإعلامي محمد الباز عبر حسابه الشخصي بموقع التواصل الاجتماعي "فيس بوك".


مسلسل نسل الأغراب 

يذكر أن المخرج محمد سامي شارك بالماراثون الرمضاني 2021 من خلال مسلسل الدراما الصعيدي "نسل الأغراب" بطولة كل من: أمير كرارة وأحمد السقا، ومي عمر، فردوس عبد الحميد، دياب، نجلاء بدر، إدوارد.


كما شارك بالمسلسل كل من: أحمد مالك، أحمد داش، منة فضالي، محمد علاء، محمد مهران، محمد جمعة، ريم سامي، ملك أحمد زاهر، هدير عبد الناصر، سلوى عثمان، أحمد فهيم، عماد زيادة، إنعام الجريتلي، حمدي هيكل، أحمد ماجد، ليال عبد الخالق.