ابنة رجاء الجداوي: “الناس اقترحوا علينا نفضل ننزل صورها على انستجرام”
نشر الحساب الشخصي للفنانة رجاء الجداوي على موقع “انستجرام”، صورة جديدة مصممة للراحلة وتحتوي على إحدى رسائلها التي وجهتها للجمهور، وهي: “كلمة حب وكلمة ود من أصغر كلمات اللغة العربية، ياريت نحب بعضنا كلنا، وياريت يفضل الود هو اللي رابطنا كلنا”، وذلك بعد مرور 12 يومًا من وفاتها متأثرة بفيروس كورونا المستجد.
فيما قالت أميرة مختار وحفيدتها روضة:” كانت بتحب الـinstagram قوي وكانت بتفرح بالكومنتس وتقول لنا شوفوا نزلت إيه والناس الجميلة بتقول إيه وإحنا في العزاء أغلب الناس اقترحوا علينا إننا نفضل ننزل صورها على طول ومانوقفش، علشان تفضل ذكرى حلوة وكل اللي يشوف صورها يدعي لها بالرحمة فقررنا نبدأ من النهارده للأسف مش هايكون في رد على التعليقات زي ما هي كانت بتعمل بس أكيد هي لو حاسة بينا هتكون فرحانة قوي، أميرة وروضة”.
وتوفيت الفنانة رجاء الجداوي، يوم 5 يوليو الماضي، بعد قضاء 43 يومًا داخل مستشفى أبو خليفة للعزل الصحي بمحافظة الإسماعيلية، وتمت إقامة صلاة الجنازة عليها من قِبل الأطباء والممرضين هنا، ثم تم نقلها إلى محافظة القاهرة لتدفن بجوار خالتها الراقصة تحية كاريوكا في مقابرها بـ”البساتين”.
