السبت 28 مارس 2020
رئيس التحرير
عصام كامل

خالد سالم يكتب: "لا هو روميو.. ولا انتي جوليت"

خالد سالم
خالد سالم

يلعب روميو بعواطفك



ويسيطر بكلامه على قلبك

انتي مش جوليت في حياته

بيكي بيسلى أوقاته

 

ترقَّص همساته كيانك

وترق بحبه أركانك

يستغل طيبتك وحنانك

آل إيه يمسح أحزانك

 

وبلمسة إيده تشرق أيامك

قلبك سكنه وحياته قدامك

 

انسى اللي في يوم هانك

ورسمتى معاه أحلامك

 

الدنيا مش كلمة وتسبيلة

وغرام وهيام وقلة حيلة

 

مستقبلك هو عشك الهادي

مش عشوة ولفة في النادي

 

احفظي دور البطولة 

وحياتك تبقى مشهورة

 

تكوني البنت الشطورة

بعيونك أكيد شبورة

 

يا ما  رُحتى تشكي لماما

قلوب ودموع قاست ياما

 

حياتك مش تليفونات وآهات

هي أحلامك  سهر ومكالمات

 

قصتك الفاشلة كانت شات

ماسنجر وإيموشنز وفيونكات

 

خليكي واضحة وصريحة

ليه تعيشى قصة جريحة

 

دباديبك اهديها لمامتك

أنا حلمي أكون شريكتك

 

وولادي يشيلوا إسمك

مش ناقصة خفة دمك

 

لو ناوي "ماي فازر" هايقولك هاي

لو غير كدة يا حبيبي "جود باي"

Last Update : 2020-03-19 01:13 PM # Release : 0067