دنيا سمير غانم تروي قصة فتاة من متحدي الإعاقة تحلم بالعمل مذيعة
روت النجمة دنيا سمير غانم قصة إحدى الفتيات من متحدي الإعاقة، والتي تحلم بأن تصبح مذيعة مشهورة يوما ما.
ونشرت "دنيا" عبر حسابها على موقع إنستجرام صورة لها برفقة الفتاة، وقصت حكايتها قائلة: "من ٣ أيام كلمتني صديقتي الديزاينر @nadaakraam وقالت لي: إن في بنت جميلة جدا هي تعرفها بتحبني جدا وأول هاشتاج في حياتها كان على اسم تتر الفينال في لهفة (نفسي أكون مشهورة بجنون)، وإن البنت دي بتاخد كورس إذاعة وتليفزيون في أكاديمية بيدرِّس فيها رامي رضوان جوزي، وإنها المفروض تعمل إنترفيو مع فنان واختارتني أنا في قلت لندى صاحبتي إني طبعا لازم أروحلها، لإن إصرارها على إنها توصل لي كان عن طريق صديقة ليا مع إن رامي أدامها على طول".
واصلت "دنيا" قائلة: "رحت الإنترفيو وقابلت بنت مليئة بالتفاؤل والرضا وزاد احترامي ليها لما عرفت كمان إنها بتيجي من إسكندرية مخصوص كل أسبوع عشان تدرس في الأكاديمية وترجع في نفس اليوم، شكرا يا رانيا على السعادة والتفاؤل والحب اللي شفته منك في الـ٢٠ دقيقة دول وحقيقي من قلبي ربنا يوفقك وتحققي حلمك وتكوني مذيعة مشهورة بجنون، أنا فخورة بيكي وسعيدة إني قابلت نموذج مشرِّف ومجتهد زيك".