مصطفى الفقي يكشف تفاصيل حديثه السري مع طنطاوي لمنع التوريث (فيديو)
كشف الدكتور مصطفى الفقي، المفكر السياسي، أسرار حديثه السري مع المشير طنطاوي، بعد انتهاء حفل تخريج دفعة جديدة من الكلية الحربية، فترة الرئيس الأسبق مبارك، موضحًا أنه كانت تربطه علاقة محبة وود مع المشير طنطاوي اّنذاك، وبعد الحفل أمسك بيده وأخبره بأنه يريد التحدث معه.
وتابع خلال لقائه ببرنامج "شيخ الحارة"، المذاع على قناة "القاهرة والناس": "خدني على جنب وقال لي هو أحمد عز هيحكم مصر يا مصطفى، فقلت له: إزاي؟.. فقال: إيه التوريث بقي ده.. ليه بتلعبوا اللعبة دي؟.. مش دولة وفيه قواعد ونظم"، معقبًا: "عملت وقتها فيها عبدالله الأطرش وقلتله هو فيه توريث.. وأنا مالي واديتله وش خشب".
وأكمل: سألني المشير طنطاوي "انت مبتتكلمش مع الراجل؟ يقصد مبارك" فقلت له "يافندم احنا مش زي زمان، الراجل مش فاشي لحد، سيادتك فاكر لما كنت قائد للحرس الجمهوري وأنا سكرتير للرئيس، كنا نقدر نتواصل معاه اكتر، دلوقتي مبنشفهوش"، فرد على حينها: "القوات المسلحة بتحمي الشرعية، ولكن الشرعية التي يريدها الناس".
وأوضح أنه بعد انتهاء حديثه مع المشير طنطاوي، تواصل مع منير فخري عبدالنور، وطلب منه مقابلته بشكل عاجل، مضيفًا: "عندما قابلني قلت له مفيش توريث، وقلت له دول مش موافقين".
