فايدة كامل تغنى لصلاح جاهين "يا جنة بلادنا"
نشرت مجلة "صباح الخير" عام 1956 نص القصيدة الوطنية التي كتبها الشاعر الفنان صلاح جاهين وغنتها المطربة فايدة كامل واللحن لعلى إسماعيل كأول تعاون بين جاهين وفايدة كامل.
تقول كلمات القصيدة: الجنة هي بلادنا.. وجهنم هي حدودنا، اللى يخطيها راح يهلك فيها.. ويدوق الموت على ايدينا، اليوم ده بعده مافيش.. غير مجد عز وحرية، لو متنا ولادنا تعيش.. ونعيش في الأجيال الجاية، ح نعيش ونشوف مصر سعيدة..نعيش ونشوف دنيا جديدة، وكفاحنا يكون بكرة قصيدة..توصف أيام ثورة مجيدة، ياشباب اليوم ده كفاح..اتسلح وامشى ويان.
وإن كان ما معاكش سلاح.. قاتل بإيديك العريانة، دافع عن شمس الحرية..عن شرف الراية المصرية، وشعوب الأمة العربية.. انت وهى وحدة قوية، فليحيا كفاح الشعب..فليحيا كفاح المصريين، موت ياستعمار بالرعب.. الشعب بيزحف بالملايين
الشعب الثاير أهو جالك.. تلاقيه في يمينك وشمالك، وبفاسه بيهد آمالك..بيقطع لك كل حبالك.
وفى رسالة إلى الجندى المصرى كتب يقول:
يابن عمى ياللى في الخط الامامى.. لك سلامى
وسلام اطفالى ومراتى وابويا.. وأمى واخوالى واعمامى
كلهم في خير ومشتاقين إليك.. كلهم متلهفين ترجع لنا
وكمان من عندنا يسلم عليك..كروان الفجر والبط اللى سابح
يابن عمى ياللى عنوانك بعيد.. شد حيلك كلنا وياك هنا
مدفعك جبناه حسب وصفك شديد.. قاسى وعنيد
صب منه ع الاعادى كرهنا.. خد م الرجعية تارك
خلى كل الدنيا تسمع فرقعة.. رعد انتصارك
والجميع يا نور عيونا في انتظارك
