مصطفى يونس ردا على ميدو: ركز في الزمالك وأزماته وابعد عن الأهلي
طالب مصطفى يونس، نجم النادي الأهلي السابق، أحمد حسام ميدو، المدير الفني السابق لنادي الزمالك، بالهدوء وعدم التحدث عن عقد رعاية الأهلي الجديد.
وقال يونس خلال تصريحات إذاعية، "إيه دخل ميدو ونادي الزمالك في رعاية الأهلي، دي حاجه تخص النادي والشركة".
وتابع: "ميدو دائما بيشطح في أوقات ودي واحدة من شطحاته وبقوله ركز في نادي الزمالك وأزماته وابعد عن الأهلي".
وأوضح: "دائما اللى بيتكلم كتير مبيعملش حاجه، مضيفا تعلموا الإدارة والهدوء من الخطيب، وبقول لكل اللى بيتكلموا عن الفريق وكانوا بينتموا ليه.. احنا اللي بنكبركم ويا ريت تسكتوا شوية".
وكان ميدو شن هجوما على محمد كامل رئيس شركة بريزنتيشن عقب توقيع عقد رعاية الأهلي جديد، بسبب إشادة كامل بالنادي الأحمر مطالبا بفسخ عقد رعاية نادي الزمالك مع الشركة.
