غضب رواد «مول مصر» لعدم شفافية سحب الـ«شيروكي» (فيديو)

تداول نشطاء مواقع التواصل الاجتماعي فيديو يوضح رفض رواد "مول مصر" السحب الذي أجراه المول على سيارة جراند شيروكي، الذي وصفوه بغير الشفاف، الأمر الذي أدى لقيام رواد المول بالتجمع وإعلانهم رفض ما حدث في السحب.

البداية كما يحكيها شادي فؤاد عبد الرحمن، أحد رواد المول، عن إعلان المول على السحب وكتب تدوينة عبر فيس بوك قال فيها "اشتري بـ3000 تدخل سحب على عربية جراند شيروكي 2018، تاريخ السحب 31-3-2018، شروط الفوز لو طلع اسمك في السحب، ويشترط أن تكون موجودا داخل المول في وقت السحب.. وأن يكون معاك أصل الفواتير اللي اشتريت بيها.. ودول أهم شرطين علشان تكسب العربية".

وقال شادي: "الناس اتجمعت في يوم السحب بحضور المذيعة رايا بتاعت (Mbc2) برنامج (scoop)، وابتدينا السحب وطلع اسم سعيد الحظ محمد سالم".

وتابع: "الراجل طلع مع ابنه الصغير وهو مش مصدق علشان يستلم العربية.. طلبوا منه أصل الفواتير اللي اشترى بيها وبالفعل طلع يجيبها، وهنا الصدمة... لقينا المذيعة رايا بتقول إن في حد تاني اسمه محمد سالم وهنتصل بيه علشان نتاكد مين فيهم محمد سالم اللي فاز".


ويحكي: "وبالفعل اتصلوا بحد مش عارفين هو مين وشغلوا مكبرات الصوت والراجل رد وهو في البيت والمذيعة سألت الرجل عن اسمه ورد اسمي محمد عبد الرحمن سالم".

وأضاف شادي: "قالتلوا مبروك يا محمد أنت كسبت في السحب وتعالي استلم العربية، طبعا ده نصب واحتيال علني وبيخالف شروط المسابقة، الناس طبعا مسكتوش".


ويحكي شادي عن غضب مرتادي المول الذي واجهته إدارة المول فقال "ابتدت الإدارة تعلي صوت المزيكا علشان تغطي على صوت الناس بس الناس كانت ايجابية جدا وعملت قلق جامد وسط المول، بس للأسف محدش من الإدارة كان موجود ومكنش في أي رد فعل".