رسالة مؤثرة من إسراء عبد الفتاح لـ«أوس أوس» في عيد ميلاده

هنأت نجمة مسرح مصر إسراء عبد الفتاح صديقها ونجم مسرح مصر محمد أسامة "أوس أوس"، بمناسبة عيد ميلاده عبر حسابها على موقع الصور والفيديوهات الشهير "إنستجرام" ونشرت صورة قديمة لهما معًا منذ 8 سنوات.

ووجهت رسالة مؤثرة له، قالت فيها: "كل سنة وأخويا عشرة العمر طيب وكويس وجمبي وفي ضهري، الصورة دي من ٨ سنين مثلًا، طول عمرك جمبي ومعايا، طول عمرك أخويا بجد، عمرك ما قصرت معايا في حاجة، لو حاولت أشرحلك أنا بحبك قد إيه، ولا إنت بالنسبالي إيه؟ مش هتفهم لأن اللي جوايا ليك أكبر من الكلام بكتير".

وتابعت: "والله بلاقيك زعلان أنا بزعل وبلاقيك فرحان من قلبي بفرح، والله مفيش حد زيك في الدنيا عمري ما هلاقي حد يقف جمبي زيك كل سنة وأنت أخويا، وربنا يكرمك في حياتك وأشوفك أحسن واحد في الدنيا ويخليلك رويدا اللي بموت فيها وعمر بحبكوا أوى".

يذكر أن "إسراء عبد الفتاح"، احتفلت خلال شهر سبتمبر الماضى، بزفافها على الفنان حمدي الميرغني، في حفل ضخم، وبحضور عدد كبير من نجوم الفن والمجتمع.