عزة عطا الله تكتب: دنيا
أهى دنيا وفى الأخر دنيا
عايشينها بحلوها لو مرر
بنعدى بنرجع وف ثانية
في ساعتها بنحلم مش أكتر
.......................................
قال إيه وبنضحك ضحكتنا
الدنيا معانا....... وعلينا
تدينا ساعات اللى أديتنا
أخدتنا بعيد مين بعدينا
مين متغرب نفسه يقرب
على أول بيت كان حوالينا
....................................
كل ما أحاول طيب نِفسى
أصدق نَفسى إنى سعيدة
على بال ما أعدى أعدينى
قلبى يقوللى ع التنهيدة
رايحة لفين ولمين أرتاح
ألف سلامة يا دنيا بعيدة
...................................
