صلاح جاهين يكتب: «اصحى يا نايم»

في مجلة صباح الخير، في رمضان عام 1959 كتب صلاح جاهين قصيدة يتعجب فيها من حال الناس في رمضان نرفزة وشتائم وضوضاء وسهر ويختتمها بعبارة "اصحى يا نايم"، يقول فيها:

«النور ملو الشوارع، ومليون راديو والع.. الساعة اثنين صباحا.. لكن إيه الموانع
الخلق رايحة جاية والدنيا لسة حية.. مليانة بالهأو أو وزعيق القهوجية
واحد يقول لواحد خليك ياعم قاعد.. الثانى يقوله شكرا دانا من المغرب مواعد
فيه سهرة لسه عندي في بيت فلان أفندي.. حاناكل حاجة حلوة.. ونشرب تمر هندي
واللي تروح دلقة جردل وينفجر شتايم.. والحى كله يوصل ما بين مصلح ولايم
واللي يقول ياجماعة واللي يقول يابهايم.. ولو طرطقت ودنك في وسط دي العظايم
تسمع مسحراتي بطبلة صوتها واطي.. بيقـول اصحى يانايم».