شاهد.. امرأة تشعل فيس بوك بموقف مؤثر مع ابنتها في عيد الأم

تداول مستخدمو موقع التواصل الاجتماعي "فيس بوك" قصة مؤثرة روتها امرأة عن ابنتها في عيد الأم، مرفقة معها صورة التقطت في الوقت المناسب.

نشرت صفحة " Exclusive photo" قصة الأم التي تدعى يارا أشرف عبر "فيس بوك"، والتي قالت خلالها:-
"أول امبارح كنت في حفلة بنتي في المدرسة بمناسبة عيد الأم، وكانت هتغني أغنية "شكرا شكرا يا أمي" وكل ما الإعلان يجي في التليفزيون تعمل mute وتبرأ لاخواتها عشان تعملي مفاجأة يوم عيد الأم، الحقيقة أنا اتأخرت عشر دقائق كانت مليكة غنت والأطفال كل واحد جري على مامته يديلها الهدية ومليكة فضلت لوحدها والهدية في إيدها وابتدت تعيط وبعدها ابتدوا الأغاني الـfrench.

وأضافت: مليكة ملتزمة جدا حبيبتي وعارفة إنها لازم تغني كانت بتغني والدموع نازلة وأنا دخلت، وأول ما شافتني جابت الهدية وجريت عليا ودخلت في حضني وانهيار من العياط، وقالت إنتى مسمعتنيش وأنا بغنيللك وبسرعة رجعت تغني مع أصحابها وعنيها في عيني وبتعيط".

وأكملت:" أم جميلة صورتنا، الحقيقة الموقف معداش معايا بسهولة أنا منمتش من إمبارح أخدت مليكة وفطرنا بره لوحدنا واتصورنا وبليل اخدتها في أوضة لوحدنا ونيمتها في حضني وطول اليل بطبطب عليها وأبص في الصورة".

وأكملت رسالتها قائلة:"أنا بحكي ليه كل ده عشان الأمومة مسئولية كبيرة أوي الأطفال بيحسوا أوي ومحتاجبن للأم والأب أرجوكم حسوا بأولادكم عشان يطلعوا أسوياء، وده موقف صغير بس أد ايه اتاثرت أنا معيطتش امبارح بس عيطت وأنا بكتب البوست، خلي بالكو من مشاعر ولادكو.