ثورة على فيس بوك بسبب قانون حضانة الأطفال.. مروة: قمة العنصرية في مجتمع ذكوري.. هند: الأولاد مسئولية أبوهم ماديا.. هناء: استحالة يعملوا كده.. نور: الست طالع عينيها دايما

واجه مشروع تعديل قانون الأحوال الشخصية الجديد عاصفة من الغضب حيث وجهت العديد من النساء رسائل احتجاجية لواضعي هذا المشروع الجديد الذي تقدمت به لمجلس النواب النائبة سهير الحادي.

انتقادات حادة
وركزت الانتقادات على الجزء الخاص بتعديل تقديم مرتبة حق الأب في الحضانة لتأتى بعد الأم مباشرة حال زواج الأم، حيث رأت النساء في هذا التعديل إهانة لمكانة الأم، وأن هذا التعديل يرحب بزواج الرجل بعد الطلاق، على عكس زواج المرأة الذي يحرمها من أطفالها.

دشنت بعض من النساء النشطاء على "فيس بوك" حملة تحت عنوان "لا لقانون الحضانة الجديد" واحتوت على تعليقات وآراء رواد الموقع التي اتسمت بالغضب والاستياء من هذا الاقتراح.

أم الأطفال
قالت مروة السيد: "فعّلوا الهاشتاج يا جماعة مش لازم تبقى مطلقة علشان تدافعي عن بنات جنسك، قانون الحضانة الجديد بيقول بشكل صريح إن الست لو اتجوزت بعد الطلاق لا تصلح لتربية ولادها، وإنه أي ست يجيبها الأب ممكن تربيهم بدالها، قمة العنصرية في المجتمع الذكوري ده، يعنى هو يتجوز وياخد العيال من حقه لكن هي تتجوز لا مايصحش لازم تفضل مطلقة تعيسة، مش لازم تبقى وقف لسيادته وهى مراته أو وهى مطلقته، أم الأطفال الأحق بالحضانة طبعًا".

مسئولة الأب المادية
وعلقت هند محمد قائلة: "الأولاد مسئولية أمهم في التربية ومسئولية أبوهم ماديا إلا لو هي قررت إنها مش عاوزاهم وساعتها يبقى اتنزع منها صفة الأمومة".

نفقة المطلقة
وأوضحت هناء سعد: "بس أنا أعتقد إن استحالة يطلعوا قانون زى دا لأن أصلا القانون مبيجبش نفقة ولا حق للمطلقة والراجل بيتلاعب ويلحق يجوز عشان ينقص نفقتها اللى مبتاخدهاش للنص عشان عنده بيتين والستات لما بيتحكملهم بنفقة أقصى حاجه 400 جنيه لو خدتهم ومش كل الستات بتشتغل وتعرف تصرف على عيالها تقوم لما تجوز ودا حقها زى ماهو اتجوز اللى شرع ربنا حلله ياخدوا منها عيالها".

وقال محمد علاء ساخرا: "انتي مُطلقة وعايزة تتجوزي كمان، لا ده احنا ناخد منك ولادك بقي".

الست طالع عينها
وعلقت نور مصطفى قائلة: "اللي منرفزني إنه عاجب بقية الرجالة ويقولك كدا الست تفكر 100 مرة قبل ماتتطلق ع أساس مكنتش بتفكر!!! طالع عينها ف كل الأحوال".