«لم يصبه الدُّور» قصيدة أبو الحسن حسن عكاشة
ياعمي ليه بتغالي
فـ الشبكة والمُهور
دا حتى الشباب مش لاقي
وكده البنات هاتبور
هو عشان خُطّابها
واقفين ع الباب طابور
وأنا الفقير وطالبها
ومش معايا موور (more)
فاكر زمان ياعمي
الشمعة والمآجور
ولا خلاص مش راضي
واستنى لآخر الدور
وشروطكم فـ القسيمة
محتاجه منِّي دُهور
يرحم زمان فـ الماضي
الفرن والبشكور
وطبعا أكيد مش ناسي
الحَلّة والطنبور
طلباتكوا وجعت رآسي
ماأنا أصلي راجل بوررر (poor)
ومن الحياة بقاسي
ومـ الفلوس محظور
اشكي لمين ياقاضي
الضهر بقي مكسور
ومرتبي العادي
يادوب يكفي فطور
طول عمري ماشي وراضي
لا أحب ألف وأدور
والقلب أصبح شاجي
ومن الديون معصور
فكرت يوم أتثبت
وأجيب لي فور باي فور
وعشت الحياة متشَلبك
وبقيت فيها محصور
وقطر الجواز آهو عدي
ولم يصبني الدور
كلمات الشاعر الأسوانــي
أبوالحسن حسن عكشة
من ديوان أيام الحرية.
