بالفيديو.. مخرج «سيب إيدي» يكشف أسباب إنتاج «كليب الأزمة» في رسالة للسيسي
نشر وائل الصديقى، مخرج كليب «سيب إيدي»، مقطع فيديو عبر صفحته الشخصية على موقع التواصل الاجتماعى «فيس بوك»، اليوم، وجه خلاله رسالة إلي الرئيس عبد الفتاح السيسي أعلن فيها أسباب إخراج الكليب، ولماذا قرر أن يصوره بهذه الطريقة.
وقال «الصديقى»: «محدش صدقني لما قولت إني بحارب الإسفاف بالإسفاف.. وإن في حاجة اسمها العلاج بالصدمة، يلا نقلب عاليها واطيها، حقي في بلدي ومش حسيبه».
وأضاف: «الهدف الحقيقي من كليب سيب إيدي الشهرة.. كنت عايز رسالتي توصل لرئيس الجمهورية عبد الفتاح السيسي.. أنا آمنت بيك ياريس وجيت من أمريكا من سنة ونص علشان أديك صوتي، ودلوقتي لازم تقف بجانبي، حاولت أخد حقي وأطلع أفلام واشتغل في المجال اللي بدرسه، وعرضت فلوس كتير وبرضو رفضوني، مستغرب الهجوم عليًّ، الكليب اللي صورته بيحصل أكتر منه في الأفلام والكليبات ، والضجة اللي حصلت علشان في ناس في السينما واقفين ضدي.. أعرف ناس كتير يا
ريس ومتخرجين وشغالين كومبارس.. لازم تعرف المشكلة.. وبفتح النار على كل صناع
السينما لأنهم سبب ضياع أجيال، وانتشار التحرش، السينما ممكن تجيب لمصر فلوس أكثر من قناة
السويس، طالب مساعدتك ياريس لوضع تصور يخلي السينما تدخل مليارات.. مطلوب منك يا ريس تطلع قرار جمهوري بتأميم كل دور
السينما لصالح الدولة».
كانت نيابة العجوزة أمرت أمس بحبس بطلي فيديو «سيب إيدي» 4 أيام على ذمة التحقيق؛ لاتهامهما بالتحريض على الفسق والفجور ونشر الرذيلة في المجتمع وإحالتهما إلى محكمة الجنح وتحديد جلسة الخميس المقبل أولى جلسات محاكمتهما.
