صلاح جاهين يكتب: الليلة دي

بمناسبة انعقاد دورة الجامعة العربية عام 1957 كتب الشاعر صلاح جاهين قصيدة نشرت بمجلة صباح الخير عام 1957 يقول فيها:
الليلة دى زارونى...طيف خيال كحل عيونى
هام معاهم قلبى، سافر ودعاهم، محلا طعم السهد لما سورونى
الليلادى زارنى فارس م الجزائر...ضيف على جبينه قريت كلمة بطل
السلاح في أيديه وفى عينيه الأمل.
الشباب من قلبه فاير..قبل مايرد السلام قال حانتصر
الليلادى زارنى من شعب العراق..طيف جميل علمنى ايه هو الفدا
ماشية في الموكب بتهتف للحقيقة..جرحها وسامها.
.وفى دموعها البريئة كل دم الأبرياء
الليلادى من فلسطين جت لى نسمة..فيها من ريحة زهور البرتقال
الليلادى ياما سهرنى انشغالى..على أحبابى في سوريا والجزيرة
في السودان وفى كل أوطانا الكبيرة
كلهم كانوا في بالى...قلبى قسمته عليهم كلهم
علشان ينشد ويقول لهم بكرة تصفا الليالى