شلاليت عم فريد
بتقول لمين.. يا حسن شاهين "مش حنحلم تانى طول م فيه مسئول أنانى" ؟!
قلت لك يا حسن يا صاحبى الزمن بقى ألعوبانى
واللى مش قادر تقوله إن الزمن ده مش زمانى
إحنا عايشين وسط زفة فيها من كل الأغانى
والبلد كل اللى فيها من بلاوى محيرانى
وسط نار والكل واقف يشتكى ويقول أتانى
كل شيء أنا كنت خايف منه وسط الخوف رمانى
قال لى طيب أعمل إيه؟ يا فريد خليك مكانى
قلت أعمل فيها فيتو اعترض وأكتب أغانى
قال لى فكرة حلوة خالص بس خوف الرعب جانى
واللى شفته من مصايب طول حياتى رجع لى تانى
قلت له خليك مدردح يا حسن فكر ثوانى
عمرنا ما يوم حنحكم طول ما نسكت ع الأنانى
حتى لو مسئول تقول له ارفض.. ارفض أي سلطة مدوخانى
