ساخرون: ١٠ صفات تجتاز بها اختبار مصريتك!

إثبت إنك مصري.. هاشتاج جديد استطاع أن يجمع المصريين عبر موقع التواصل الاجتماعي تويتر، مؤسسو الهاشتاج حاولوا الوصول لأهم ما يميز المواطن المصري وأهم ما يضايقه أيضا، الشباب المتفائل قال: إن الشعب المصري مطلق مقولة: " الجودة بالموجودة " من أكرم الشعوب.

بينما ركز فريق آخر على فهلوة المصريين، والمشكلات التي تواجههم، فيتو كافيه رصدت أهم ما يميز المصريين وفقا لشباب تويتر..

عمرو جبر
#اثبت -إنك-مصري: @amrgabr2 "مشتشفى شندوتش بنزيم لنضة منطلون مهندز إتأكدت بقى !!!!!"
@ElGabarty2013  

 ‏@M7medMwafy 
#إثبت-إنك-مصري: لازم تبص يمين وشمال وإنت بتعدي الطريق.. حتى لو الطريق اتجاه واحد


aya ‏@Aya151992  
#إثبت-إنك-مصري: أنا متجوزش واحدة مشيت معايا..بس بيروح يتجوز واحدة مشيت مع غيره وهو
ميعرفش وفاكر نفسه عنتر..ماشاء الله فكيك أوي أوي


جوافة المستكاوي ^_^ ‏@fa_esraa  
#إثبت-إنك-مصري: - قدامك أد إية؟!  خمس دقايق وأكون عندك *اتنين مصريين واحد ف القاهرة والتاني في أسوان *

☺أوزعه هانم☺ ‏@manal_waheed 
#إثبت-إنك-مصري: هتعرف إنه مصري بجد لما تسأله عن مكان ويعملك فيها google maps

الأرشيدوقة فريــدة ‏@Dr_FaridaAKafee
#إثبت-إنك-مصري: لو ركبت قطر أموت في تصادم لو ركبت ميكروباص ينقلب من فوق كوبري لو ركبت مترو أموت في عبوة ناسفة لو مشيت في الشارع أموت في تفجير.

S A Ⓜ E H ‏@samehabouelkhie
لو مسافر في ميكروباص بتفتح مواضيع مع اللي جنبك وإنت نازل يقولك: إبقى سلملي على إبنك مصطفى وإنت تقوله: إبقى طمني ع الحاجة والدتك #إثبت-إنك-مصري

بنت البلد ‏@nsalem42
#إثبت-إنك-مصري أتفضل! والجودة بالموجود والله مانت ماشي وحصيرة الصيف واسعة وبصلة المحب خروف ولقمة هنية تكفي مية؛ المصري أبو الشهامة والكرم.

Aح.mad ‏@Meid0o
#إثبت-إنك-مصري: الطالب المصري لو جاب درجة حلوة...وربنا ما اعرف جيبتها إزاي. لو جاب درجة وحشة...وربنا كنت حالل حلو ومذاكر.

aya ‏@Aya151992
#إثبت-إنك-مصري: أول ما تعرف بنت..أنا مرتحلك..أنا حاسس إن في كميا بينا..أنا بغير عليكي..أنا بحبك كل ده في يوم واحد.