دليسبس يظهر في القناة الجديدة !

دليسبس ركب الطيارة.. ونزل على شط القنال.. شاف ناس بتحفر بالحفاوة صرخ وقال.. مين اللي قال أحفر هنا.. سمع الألوف قالت بعزم..السيسي قال.. ياشعب مصر الطيبة بدأ النضال.. أحفر قنال تانية هنا جنب القنال.. أنت خلاص زمنك مضي دليسبس.. وبدون انفعال.. روح قول لأحبابك بأن الشعب بيناضل ما زال.. واعرف بقي مصر العزيزة بعزمها وقف الرجال.. وبيسألوك نفس السؤال.. لحد امتى حتفضلوا في الارتجال.. ارجع بقي دليسبس قول.. زمن التسلط راح وزال.. وبعد عام حتشوف قنال جنب القنال.. وبدون جدال راح تعرفوا المصري بيحب النزال.. ويقول لكم المفترض أنا عمري ما عرفت المحال.. وفكروا بالعقل مرة.. مصر بتهد الجبال.. دليسبس قال لو تسمحوا ممكن يكون فيه اتصال.. بيني وبينكم لأجل أشوف هذا الجمال.. وتكون قنالكم أصبحت في الاكتمال.. وأشهد لكم بأنكم أصل الحضارة في كل حال.. ضحك الجميع وقالوا له انزل جنبنا وأحفر.. فقال.. أنتم كما أنتم مازلتم لا جدال.. أسود وقادرين تدركوا كل الآمال.. ومصر هي مصر للدنيا المثال.. قالوا له ارحل بالسلامة.. إحنا شعب مالوش مثيل في الاحتمال.. قال دليسبس تحيتي وسلامي لأعز الرجال.