بيومي فؤاد يكشف عن نصيحة تجاهلها لـ عادل إمام

بيومي فؤاد، كشف الفنان بيومي فؤاد، عن نصيحة وجهها له الزعيم عادل إمام بشأن انتقاء الأعمال الفنية التي يشارك فيها.

نصيحة عادل إمام لـ بيومي فؤاد

وقال بيومي فؤاد، خلال لقائه ببرنامج “يحدث في مصر” الذي يقدمه الإعلامي شريف عامر بقناة “mbc مصر”: "الزعيم عادل إمام قال لي خلي لأ في قوة أيوة مش أي حاجة توافق عليها، ودي نصيحته ليَّ بس أنا مش عارف أقول لأ، أقول لأ إزاي لواحد حلف لي إنه أخد قرض علشان يعمل فيلم ولو الفيلم ما اتعملش هيتخرب بيته، فبقول له يلا وزي ما تيجي حتى لو هننزل الحفرة سوا واللي عايز يدفع يدفع ودا رزق عيالي واللي مش عايز يدفع يلا بقى هعمل إيه".

فكر بيومي فؤاد

وتابع:"شيء جميل إنك تدخل فيلم فيه بيومي فؤاد ظاهر لمدة دقيقتين وتفتكره، وبختار كتابة اسمي على حسب تعبي في الفيلم وما يشغلنيش ترتيب اسمي في تتر الفيلم".

فيلم وش في وش

وأشار: "اعتذرت عن فيلم وش في وش 6 مرات،  لإن الدينا كانت عندي زحمة أوي وهما كانوا عايزين يبدأوا تصوير بدري شوية وأنا كنت مشغول وفي النهاية اكتشفوا إني كنت أسهل واحد وافق على الفيلم".

بيومي فؤاد: أنا اشتهرت على كبر وعمري ما حلمت باللي وصلت ليه

بعد بدء عرض فيلم مندوب مبيعات، بيومي فؤاد حالة فنية استثنائية منتشرة

متعة بيومي فؤاد

وأضاف: "الحاجات اللي بتسعدني بشكل كبير إني أقعد على قهوة بلدي، والدومينو أول حاجة بحطها في شنطة السفر وأنا رايح مسرح".

في نفس اللقاء، قال الفنان بيومي فؤاد: "أنا تعبت من 4 شهور وأعلنت وقتها إني هريح شوية، وهسافر وكم كبير من الناس كلموني يطمنوا عليَّ".

رغبة بيومي فؤاد في خسارة الوزن

وأردف: “كنت مسافر للخارج علشان أخس لإني برفض العمليات وبخاف من البنج، بس ما سافرتش وبحاول أنزل وزني بالتدريج علشان بعاني من ألم في رجلي”.
 

طموح بيومي فؤاد

ولفت بيومي فؤاد: "عمري ما حلمت باللي وصلت ليه، وطموحي عمره ما راح للحتة دي، أنا اشتهرت على كبر وما كنتش أحلم أبقى مشهور".
 

كوميديا بيومي فؤاد

وتابع بيومى فؤاد: "أدعي أن الكوميديا لعبتي، ويقال إني شاطر فيها، كمصريين ربنا أعطانا منحة نقدر نقلب النكد لسعادة".
 

أقرب دور لبيومي فؤاد

وأشار: "أقرب الأدوار ليَّ شخصية عزيز في فيلم وش في وش، وهو أصعب عمل قدمته هذا الموسم مع إنه لوكيشن واحد، عيبي حاليًّا إني لا أنتقي أدواري وأنا طول عمري راضي باللي قسمه لي ربنا لإنه هو الأحسن ليَّ". 
 

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.