حمو بيكا يوجه رسالة لنقابة الموسيقيين وهو يبكى: أعتقوني لوجه الله|فيديو
دخل مؤدى المهرجانات حمو بيكا، في نوبة بكاء على الهواء، قائلا: "بقول لنقابة الموسيقيين اعتقوني لوجه الله أنا قربت اصرخ في الشارع من كتر الظلم".
رسالة حمو بيكا
وقال خلال لقائه ببرنامج "كلام الناس" المذاع علي قناة "ام بي سي مصر": "انا تعبت وبقول لنقابة الموسيقيين احكموا بالعدل".
إحساس حمو بيكا
وأضاف: "أنا تعبت ومحدش حاسس باللى انا فيه، وانا مش هدخل اختبارات نقابة الموسيقيين تاني".
وقال مؤدى المهرجانات حمو بيكا في نفس اللقاء: "تراب بلدي أهم من أي مكان وزعلان إنى ممنوع أغنى عليه، ونقيب الموسيقيين هاني شاكر صرح لكل الناس تغني ما عدا أنا".
كارنيه نقابة الموسيقيين
وأضاف خلال لقائه ببرنامج "كلام الناس" المذاع علي قناة "ام بي سي مصر": "انا معنيش صوت انا داخل بالجمهور وعايز كارنيه النقابة".
جمهور حمو بيكا
وتابع: "بعض اعضاء مجلس النقابة قالوا أن في ناس مينفعش تغني وبعدين عملوا لهم كارنيهات، انا ليا جمهور واخر حفلة ليا حضرها 40 ألف متفرج".
وكان المطرب الشعبي عبد الباسط حمودة، قال: "أنا بحب حمو بيكا علشان هو إنسان طيب بس هو يديني ودنه ونفسه شهر وأنا هخليه يعرف يغني ويبقى كويس جدًّا ويعرف هو بيقول إيه".
دعم حمو بيكا
وتابع خلال مداخلة هاتفية ببرنامج "مصر جديدة" المذاع على قناة "إي تي سي": "هعلم حمو بيكا من قلبي وهعرفه إزاي يغني ويجيب طبقته وعلشان هو إنسان عنده طموح وعايز ياكل عيش احنا لازم ناخد بإيده".
تلامذة عبد الباسط حمودة
ولفت: "أحمد شيبة واخد مني وطارق الشيخ ومحمود الليثي ودنيا سمير غانم ونيكول سابا كلهم واخدين مني".
تعليم حمو بيكا الغناء
وتابع: "أقسم بالله هعلم حمو بيكا الغنا وهخليه مطرب في شهر وكأنه بيغني بقاله 30 سنة وهعلمه المقامات بس هو يديني ودنه بس هو بعيد، أنا لما بتصل بيه بلاقي تليفونه مقفول، هو ناقصه علم النغم".
