عمرو أديب يغني "أشكرك أوعدك" على طريقة حسن شاكوش |فيديو
تقمص الإعلامي عمرو أديب، دور المطرب، وشارك مطرب المهرجانات حسن شاكوش غناء أغنية "أشكرك أوعدك".
رغبة عمرو أديب
وتابع عمرو أديب خلال برنامج "الحكاية" المذاع على قناة "إم بي سي مصر": "أنا بفكر في موضوع الغناء جديًّا، وهحاول أعمل زيك يا شاكوش".
غناء عمرو أديب
وأدى عمرو أديب، غناء أغنية “أشكرك أوعدك” على طريقة مطرب المهرجانات حسن شاكوش.
وعلق مؤدي المهرجانات حسن شاكوش على الاستقالة التي تقدم بها الفنان هاني شاكر نقيب المهن الموسيقية على الهواء، قائلًا: "أنا اتصدمت من قرار الفنان هاني شاكر لأنه قيمة وقامة للوطن العربي كله، وما كانش ينفع اللي حصل ده، بس كان فيه مشادات وكلام في المؤتمر الصحفي، واحنا خسرنا الفنان هاني شاكر والوطن العربي كله بعد استقالته من منصب نقيب المهن الموسيقية".
وأضاف خلال لقائه ببرنامج "الحكاية"، المذاع على فضائية "إم بي سي مصر": "الفنان هاني شاكر قال لهم أعطوا الكارنية لحسن شاكوش وبعدين نبقى نعمل اجتماع يعتذر فيه للعازفين ودي كانت المشكلة واعتذرت لسعيد أرتست أكتر من مرة وقلت لهم اليوم أنا آسف وبعتذر لكم وهبدأ صفحة جديدة، والمشكلة في أن إزاي أخدت الكارنيه قبل اجتماع الاعتذار، لكن أنا كنت محتاج الكارنيه علشان معايا ناس بتاكل عيش وملتزم بحفلات وشغل".
مشكلة هاني شاكر
وأكمل: "الفنان هاني شاكر جاب آخره وفاض بيه، ولما مسك نقابة الموسيقيين ما بقاش مركز في الغناء، وكان الضغط كله عليه وشال حمل تقيل".
فترة إيقاف حسن شاكوش
ولفت: "اتوقفت 10 شهور وما حدش كان حاسس بيَّ، وكنت بروح فيهم الجيم وأتمرن وأسجل برضو بس النفسية كان زيرو، وبزعل لما حد أكل عيشه يتقطع".
أغان جديدة لحسن شاكوش
ولفت: "أنا عامل فوق الـ25 أغنية ودويتو مع محمود الليثي زي "بنت الجيران"، وعامل مع طارق الشيخ أغنية".
