مديرة مدرسة الشهيد بمحافظة القليوبية تكشف تفاصيل لقائها بوزير التعليم (فيديو)

كشفت صالحة عبد الفضيل، مديرة مدرسة الشهيد بمحافظة القليوبية، عن تمسكها بمهنة التعليم وحرصها طوال سنوات عملها على أداء رسالتها بأمانة وإخلاص، مؤكدة أن حبها الشديد لمهنة التدريس يدفعها للاستمرار والعطاء رغم كل تحديات العمل، وموجهة رسالة إلى جميع زملائها بضرورة العمل بأمانة طلبًا للأجر والثواب من الله، وليس فقط من أجل الراتب.

وأوضحت، خلال مداخلة هاتفية مع الإعلامية نهال طايل في برنامج «تفاصيل» المذاع على قناة «صدى البلد 2»، قائلة: «أنا بعشق مهنتي وبخلص فيها وبقول لزملائي متشتغلوش عشان المرتب اللي بتقبضوه، اشتغلوا عشان أجركم عند ربنا»، مضيفة: «لو إحنا بصينا للمرتبات مش هنشتغل، لكن إحنا عايزين الأجر من عند اللي خلقنا بس».

وتطرقت مديرة المدرسة إلى لقائها بـ وزير التربية والتعليم، مؤكدة: «مقابلة وزير التعليم كانت تكريم لينا، وإحنا برضه كرامتنا محفوظة وكل واحد بيحافظ على كرامته، لكن مقابلة الوزير شرف كبير».

وردًا على تلقيها مكالمة رسمية من مكتب الوزير، قالت: «لو كانت أي حاجة غير إني اتكرم عادي مش فارقة، أنا كده كده في المدرسة سواء مديرة أو مدرسة أو عاملة، أنا مش فارق معايا حاجة، أنا منوفية والمنوفيين جامدين».

وبشأن الشائعات التي ترددت حول زيارة مرتقبة للمحافظ إلى المدرسة، أوضحت: «أنا معرفش حاجة ومحدش تواصل معايا وقالي كده، لو المحافظ جه هيجي يشوف سير العمل، هو بيشوف شغله وأنا بشوف شغلي»، مشيرة إلى التفاعل الواسع والسريع مع قصتها، قائلة: «ولادي وجيراني والجمهورية كلها مبسوطة بيا، وده مش حالي أنا بس، ده حال كل مدير مدرسة، الكل كده بيعملوا زيي».

ووجهت رسالة لكافة المتفاعلين مع قصتها، قائلة: «بشكر كل الناس اللي اتكلمت عني بالخير وبالشر، وقلبي مش بيشيل من حد خالص، والناس حاسة بينا وحاسة بالتعب».