شريف إكرامي يوجه رسالة مؤثرة تعليقًا على انتقال محمد صلاح إلى الدوري التركي

علق شريف إكرامي حارس مرمى بيراميدز والأهلي السابق على انتقال الفرعون المصري محمد صلاح إلى صفوف فريق طرابزون التركي بالصيف الجاري بعد انتهاء رحلة استمرت 9 سنوات مع ليفربول.

ونشر شريف إكرامي عبر حسابه علي موقع تويتر: “بمناسبة انتقال محمد صلاح إلى تركيا.. وبعيد عن الجدل الطبيعي حول صحة القرار.. الشيء المهم واللي شايفه أهم من النادي اللي راح له هو حجم الاستقبال والتقدير والاحترام اللي بيقابله في كل مكان واللي بالنسبالنا بقى عادي لا يا جماعة ده مش عادي”.

وتابع حارس مرمى منتخب مصر السابق: “لكن الحقيقة اننا اتعودنا على محمد صلاح.. اتعودنا نشوفه بينافس على كل بطولة ويكسر الأرقام ويمثل مصر في أعلى مستوى لدرجة إن بقينا نتعامل مع كل ده كانه الطبيعي والعادي لأن الإنسان لما يشوف حاجة عظيمة كل يوم بعد فترة يبطل يحس إنها عظيمة”.

وأشار: “عشان كدة أغلب الشخصيات الاستثنائية قيمتها الحقيقية بتبان بعد ما يمشو.. وأعتقد أننا مش هندرك قيمة اللي عشناه معاه غير بعد اعتزاله.. لما نكتشف اننا بقينا بندور علي محمد صلاح جديد ومش لاقيين”.

واختتم: “ساعتها بس يمكن نستوعب أن اللي كنا فاكرينه طبيعي كان في الحقيقة استثناء كبير.. وكبير أوي كمان”.

طرابزون يعلن ضم محمد صلاح

وأعلن النادي التركي التعاقد مع النجم المصري محمد صلاح، وذلك بعد انتهاء المفاوضات بين الطرفين، خلال فترة الانتقالات الصيفية الحالية.    

محمد صلاح يشارك في أول مران مع طرابزون

وشارك محمد صلاح في أول مران له مع فريقه الجديد طرابزون سبور التركي، اليوم الخميس، بعد أن انضم للفريق في الساعات الأخيرة ووقع عقدًا لمدة موسمين في صفقة انتقال حر بعد فسخ عقده مع ليفربول الإنجليزي.