إمام عاشور يتحدث عن عروض الاحتراف ومصيره في الأهلي

قال إمام عاشور لاعب منتخب مصر والنادي الأهلي إنه يحترم الأهلي ويقدره كثيرا، ولن يرحل إلى أى مكان إلا بموافقة مسئولي النادي، مشيرا إلى أنه حتى الآن لم يتلق أي عروض رسمية، وأن كل ما يتردد عن عروض وصلته للاحتراف خارج مصر، كلها يسمع عنها من الصحف ووسائل الإعلام. 

وأكد إمام عاشور في تصريحات مع الإعلامية منى الشاذلي، أنه يتمنى أن يحترف في أوروبا مثل أي لاعب عنده طموحات، ولكن لن يقدم على هذه الخطوة إلا بموافقة النادي الأهلي وعن طريقه.

إمام عاشور يرد على أسئلة طريفة من الإعلامية منى الشاذلي

وجهت الإعلامية منى الشاذلي بعض الأسئلة الطريفة للاعب إمام عاشور.. وجاءت ردوده عليها أكثر مثيرة ومضحكة. 

لو رايح خناقة تاخد معاك مين؟

هاخد معايا ياسر إبراهيم عشان إيده تقيلة ومش بيعرف يهزر.

لو رايح قاعدة دبلوماسية لحل مشكلة ما هتاخد معاك مين؟

هاخد معايا محمد صلاح لأنه هادي وبيفكر كويس وأفكاره مرتبة ومتحدث لبق ودبلوماسي. 

لو رايح تعمل فيديو ع التيك توك فيه هزار وقلس هتاخد مين معاك ؟

هاخد عمر مرموش لأنه فكاهي جدا وبيحب الهزار. 

لو رايح تعمل مقلب في حد هتاخد معاك مين؟

هاخد معايا أحمد فتوح لأنه معلم في عمل المقالب. 

لو عايز تطلب حاجة من حسام حسن وقلقان منه هتاخد مين معاك واسطة؟

هاخد محمد صلاح عشان حسام بيحبه وبيسمع له.  

لو عايز تجيب هدية للمدام تاخد رأي مين؟

آخر مرة كان معايا مرموش ذوقه حلو في الحاجات دي وبيفهم فيها كويس. 

لو مسافر سفرية طويلة بالطيارة تختار مين يكون في الكرسي إللي جانبك ؟

هاخد زيزو عشان قليل الكلام وهيسبني أنام مش رغاي. 

لو هتعمل بيزنس تجيب مين من المنتخب يشاركك؟

محمد صلاح عشان دفيان وعملي في شغله. 

المذيعة: طب ما تشارك مصطفى شوبير: لسه بدري عليه مش معاه خميرة كفاية.. 

المذيعة: طب من غير مصطفى شوبير؟

 ممكن تريزيجيه عشان مأمن نفسه كويس ممكن أسند عليه في الفلوس. 

لو رايح تحترف وقالولك ممكن تجيب لاعب أخر معاك تختار مين ؟

لو ينفع حد من خارج المنتخب هاخد كهربا. 

لو رايج تجيب لبس تاخد مين معاك؟

هاخد مرموش.