رامي صبري يطرح أغنية بعنوان "بفرحك وانت تزعلني"
طرح الفنان رامي صبري أغنية جديدة تحمل اسم “بفرحك وأنت تزعلني”، وذلك عبر قناته الرسمية بموقع الفيديوهات الشهير “يوتيوب” ومنصات الموسيقى في الوطن العربي.
وتعد الأغنية هي أولى أغنيات ألبومه الصيفي الذي يحمل اسم “القمر”، تمهيدًا لإطلاقه بالكامل يوم 16 يونيو الجاري.
أغنية “بفرحك وانت تزعلني” من كلمات الشاعر الغنائي حازم إكس والحان رامي صبري وتوزيع موسيقي إيهاب كولبيكس ومهندس الصوت هاني محروس في الميكس والماستر، وتقول كلمات الأغنية:
أنا مهما أعملك اللي بتحبه واللي يرضيك
ليه.. مفيش فايدة فيك
ليه ليه ليه ؟
بفرحك وانت تزعلني
بريحك وأنت بتتعبني
بقربك وأنت بتبعدني
طب أقولك إيه طيب ؟
بكبرك وأنت تصغرني
بقدمك وأنت تأخرني
بطلعك وأنت تنزلني
ده جزاتي عشان طيب ؟
أنا مهما أعملك اللي انت عايزه وتتمناه
ليه.. كل ده بتنساه
ليه ليه ليه ؟
بضحكك وأنت تبكيني
بحنلك وأنت تقسيني
بنورك وأنت بتعميني
مفرقش معاك قلبي
بدلعك وأنت تعذبني
بصدقك وأنت تكدبني
بعيشك وأنت مموتني
ومخلص على قلبي
اتهامات بتقليد محمد حماقي
وكان رامي صبري قد تعرض لاتهامات بتقليده لمحمد حماقي، بعد طرح بوستر البومه الجديد “القمر”، حيث قال البعض بأن بوستر ألبوم الأول يشبه كثيرا بوستر “حماقي" “سمعوني”.
وجاء اتهام رامي صبري بتقليد حماقي بعد تصريحاته الأخيرة التي أكد فيها أنه يقدم ما يراه جديدا وإضافة في مسيرته، موضحا: “فيه ناس متضايقة اني كتبت ستوري وقلت إن الملحنين اللي بترسل ليا شغل مش بيعملوا حاجات مختلفة.. أيوه دي حقيقة، يعني بيبعتوا أعمال وخلاص، وأنا بعمل الحاجات اللي شايفها من وجهة نظري مختلفة”.