هل تغيرت نهاية مسلسل "وننسى اللي كان"؟ عمرو محمود ياسين يكشف التفاصيل

كشف الكاتب والسيناريست عمرو محمود ياسين عبر حسابه الشخصي على موقع التواصل الاجتماعي “فيس بوك” حقيقة تغيير نهاية أحداث مسلسل “وننسى اللي كان” بطولة النجمة ياسمين عبد العزيز، والذي عرض في موسم دراما رمضان الماضي 2026. 

عمرو محمود ياسين 

وكتب عمرو محمود ياسين قائلا: “هبدة كل سنة يقولك النهاية اتغيرت أولًا مفيش مرة بدخل فيها أي عمل وببقى مش محدد النهاية ايه كإطار عام، عشان ده أكتر شيء بيسهل رحلة الكتابة، لأني عاوز أوصل لنقطة بعينها، لأن عندي هدف”.

وأضاف: “سيكونس مشاهد الـ MMA اللي قبل مشهد النهاية ده معروف ومتحدد من زمان لأن الأمور دي عايزة تجهيز، يعني لازم نعمل معاينة ونحجز مكان ونجهز ديكور وإضاءة ونحجز مجامي  ويتعمل أوردر، ولسه كل ده مابتدناش التصوير اللي بياخد يوم كامل ع أقل تقدير”.

وتابع عمرو محمود ياسين: “وأنتم أكيد شفتوا الكواليتي اللي متقدم في المشاهد دي وده كواليتي مينفعش يبقى ألو صباح الخير ماتيجوا نعمل مشاهد ضرب للركب التصوير مش موضوع سهل ده معقد جدا ومليء بمئات التفاصيل وخصوصا لو أكشن”.

واختتم قائلا: “ده غير أن البطولة اللي بيخوضها بدر السباعي واللي أهلته لبطولات أهم كما ظهر في الفوتومونتاج، الذي تلى البطولة كانت ضرورية لتأمين نهاية سعيدة لأن مش معقول أن جليلة وبدر يقدروا يعيشوا حياة سوية في ظل وجود فجوة كبيرة بينهم، يعني كان ضرورة درامية محددة عندي من البداية بما إني من البداية أيضًا مستهدف النهاية السعيدة.. فالموضوع متفق عليه من بدري جدا ومعروف للجميع  حتى الأغنية كانت متحددة ومتفق عليها من بدري”.

مسلسل وننسى اللي كان 

وشارك في بطولة مسلسل “وننسى اللي كان” عدد من النجوم، في مقدمتهم الفنانة ياسمين عبد العزيز والفنان كريم فهمي والفنانة شيرين رضا والفنان خالد سرحان والفنان محمد لطفي والفنان إدوارد بالإضافة إلى الفنانة سينتيا خليفة والفنانة منة فضالي والفنانة إنجي كيوان والفنان محمود حافظ والفنان محمود ياسين والفنان إيهاب فهمي والفنانة لينا صوفيا بن حمان والفنانة إلهام وجدي والفنان أحمد التهامي والفنان محمود السيسي، والعمل من تأليف عمرو محمود ياسين، ومن إخراج محمد الخبيري.