جنات: كنت بخاف زمان ومي فاروق مش جريئة واتأخرت كثيرا في استغلال صوتها

قالت الفنانة جنات، إن زميلتها مي فاروق تأخرت كثيرًا في فكرة أنها تغني لنفسها وتقديم ألبوم يحمل أغانيها، مؤكدة أنها صوت متميز وتستحق النجاح. 

وأضافت: "مي اتاخرت في طرح الألبومات لأنها من الأصوات المهمة جدًّا في مصر بس هي كانت مركزة في شكل موسيقي واحد ما كانش عندها الجرأة أنها تغير وتعمل كل الأشكال والأصوات القوية تقدر تعمل أي لون". 

وتابعت: "أنا برضه زمان ابتديت بشكل والتغير كان بالنسبة لي صعب أوي".

وكانت الفنانة مي فاروق أكدت أنها لا تندم على أي قرار تتخذه في حياتها، موضحة أنها تمنح نفسها وقتًا كافيًا قبل اتخاذ أي خطوة فنية أو شخصية.

وقالت مي خلال المؤتمر الصحفي الذي عُقد على هامش إطلاق ألبومها الأول “تاريخي”: “ أي قرار مش بندم عليه، لأني باخد وقت كبير قبل ما أخده، وكنت حابة أعود الناس عليا الأول، والحمد لله اسمي دلوقتي مطروح في السوق وده يرضيني جدًا. شخصيتي كمان بقت أقوى، وده خلاني أقول لازم أقدّم شغلي لجمهوري بالشكل اللي يستحقه”.

وأضافت مي: “أنا شخص بطبعي بيتكسف جدًّا، والكسوف ده ساعات بيوصل لدرجة ممكن تتفهم غلط، لكن الحمد لله اتواصلت مع الأستاذ محسن جابر، وده بالنسبالي مدين عشرة عمري، وهو أخويا من وإحنا صغيرين”.

وتابعت: “كنت دايمًا بحلم إني أشتغل مع الشاعر نادر عبد الله، والغريب إننا ما اتقابلناش قبل كده، لكن لما سمعت الكلام اللي كتبه، حسّيت إنه شبهي جدًّا ولامسني من جوَّة”.