حسام داغر عن وفاة بهاء الخطيب المفاجئة: "يعني إيه مات وهو بيلعب كورة أنا عقلي هيجراله حاجة"

توفي قبل قليل، الفنان الشاب بهاء الخطيب، عن عمر ناهز 41 عامًا، خلال لعبه كرة القدم مع أصدقائه.

وفاة الفنان بهاء الخطيب

ونشر الكاتب والسيناريست محمود جمايكا نبأ الوفاة عبر حسابه في "إنستجرام"، ناعيًا صديقه بكلمات مؤثرة ومعبرًا عن حزنه لفقده، طالبًا الدعاء له.

وكتب جامايكا: "هتوحشني يا صاحبي.... يا أنضف خلق الله...متغلاش على اللي خلقك.. بس الغفلة وحشة ربنا يرحمك ويغفرلك ويسكنك فسيح جناته يا بهاء".

وأضاف: "صاحبي وأخويا وعشرة عمري بهاء الخطيب في ذمة الله...إنا لله وإنا إليه راجعون... ادعوا له فهو في أمس الحاجة للدعاء".

سبب وفاة الفنان الراحل

كما رثى الفنان حسام داغر الفنان الشاب بهاء الخطيب، وقال على صفحته بـ"فيس بوك": "ده لسه متكلمين إنك تيجي تقعد معايا كام يوم في الإسكندرية وقلتلك هتحب قعدة بلكونتي على البحر علطول ورجعت أقولك خلينا في الشتا هيبقي أحلى الجو دلوقتي صيف وحر".

وأضاف: "خلاص لا بقى في شتا ولا صيف ولا حاجة الناس بتمشي فجأة إزاي كده لا حول ولا قوة إلا بالله دموعي منشفتش من يوم تيمور وقلبي لسه موجوع تقوم تمشي فجأة أنت، يعني إيه وقع وهو بيلعب كورة مات أنا عقلي هيجراله حاجة الثبات والعقل والصبر من عندك يا رب ".

وتابع: "بهاء الجميل المحترم الطيب أعرفه من وهو في مسرح الجامعة وقبل المعهد وبرضه كبر قدامي وكان ناجح في كل حاجة حتى مجاله وشغله الأساسي جمب التمثيل لو أعرف إنك هتمشي فجأة كنت قابلتك ومفضلناش نأجلها ليه يا ربي الطيبين المحترمين بيمشوا فجأة لا حول ولا قوة إلا بالله الصبر من عندك يا رب".