< حضرة وزير الداخلية ألف شكر وامتنان
فيتو
رئيس التحرير
عصام كامل

حضرة وزير الداخلية ألف شكر وامتنان

ابين زين
ابين زين
 أبين زين

حضرة وزير الداخلية ألف شكر وامتنان.. الجميع محتاج بشدة كل يوم النور يبان.. وبرجال الشرطة نشعر إن فيه أمن وأمان.. واللصوص لازم تشرف السجون في كل آن.. لأجل بقى الشرطة قدوة فيها قوة واتزان.. والمرور في كل حتة بالشوارع والميدان.. وكمان عايز سيادتك تفتحوا كل البيبان.. بس طبعا تقفلوها ضد تنظيم الحيتان.. والجميع لا بد يعرف للنضال آن الأوان.. محتاجين الشرطة ترجع عكس كل بتوع زمان.. اللي عايشين بين ظنونهم يرقصوا خلف الحيطان.. لكن الشرطة برجالها صف واحد لا تغادر المكان.. مستحيل طبعا تطنش أو بأمن يُستهان.. وإحنا ياما شبعنا حسره من هموم الاحتقان.. والرجال في الشرطة طبعا نجحوا في كل امتحان.. والجميع مدرك وعارف إيه بقي سبب الطوفان.. وبلاش نرجع له تاني واحنا عارفين اللي كان.. والجميع طبعا يا سادة ضد فكر الأُلعوبان.. والقلوب لازم يا صاحبي تبقي صافية والوطن أمن وأمان.. والرجال في الشرطة تنجح في امتحان.. لأجل أقول لشاويشنا أهلا يا بطل فوق الحصان.. كلنا نشهد بفضلك والنجاح في الامتحان.. وبسلامة الله يا صاحبي في الختام.