الأربعاء 25 نوفمبر 2020...10 ربيع الثاني 1442 الجريدة الورقية

أبو الشريط الأحمر!!

ساخرون

فريسكا


يا أبو الشريط الأحمر ياللي.. ( قهرتني - أسرتني - هجرتني ) ارحم ذلي "لما تخلص قراية اختار الصحيح ما بين الأقواس".. أول ما فتحت عنيا على اللي بيحصل في الجيزة وقال إيه بيقتلوا الشيعة اللي عايشين بقالهم سنين السنين في القرية الصغيرة دي..قلت هما عايزين 30 ما يجيش ولا ييجي بدري؟ اضافة اعلان


ومن غير مناسبة فجأة شفت قدامي حلم أثناء ما أنا صاحية كدة ومفنجلة عنيا وكل الفيلم كان بيدور جوا حواري دخلها نجيب محفوظ في فيلم قصر الشوق. 

قال إيه ابن سي السيد كسر كلام أبوه "الأمريكاني" واتجوز البت اللي كانت بترقص في العوامة وقعد يخرطلها ملوخية وهي بتغسل الغسيل والحياة دلع في دلع.. وأبوه هيموت من القهرة بس عادي يعني هو عايش مبسوط.. بس أكيد في الجزء الثالث السكرية اللي أنا مش فاكراه كويس.. حصل تغيير وابن سي السيد طلق البنت دي.

بس المرة دي الفيلم كان بيلعب فيه دور "سي السيد" راجل أمريكاني أشقر أمريكاني بعيون ملونة، وكان بيلعب دور ابن سي السيد "رئيس دولة كانت زمان دولة".

وبيلعب دور مرات ابن سي السيد اللي كان بيحبها سي السيد نفسه "راجل بشريط كان زمان أحمر". 

والأغنية اللي لازم دلوقتي كل المصريين يغنوها "كنت فين يا حلو غايب عن عيوني من زمان" ولما يريد ربنا يا روحي ييجي على أهون سبب.. وما أدراك ما أهون سبب.. ولا إنت عارف إمتى يكون أهون سبب؟ 

والحلم بينتهي تاني بالبنت اللي كانت حلوة ومتجوزة ابن سي السيد قبل ما يتجنن ويطلقها ويتجوز الرقاصة وهي بتغني لحبيبها الأولاني.. يا أبو الشريط الأحمر ياللي.. قرفتني ومررتني وبعتني لسي السيد ارحم ذل أهلي..