الثلاثاء 7 يوليه 2020...16 ذو القعدة 1441 الجريدة الورقية

بالفيديو.. أهالي البداريم بإمبابة يستغيثون: «إحنا بنموت تحت الأرض»

أخبار مصر

اسماء عبد الفتاح - مروة جمال


"إحنا بنموت الحقونا".. صرخات أطلقها سكان إمبابة المشهورين بـ"سكان البداريم" ليعبروا عن مدى البؤس والواقع المرير الذي يعيشون به.

قالت إحدى سكان المنطقة، 40 عاما لـ«فيتو»: "احنا بنموت تحت الأرض ومعندناش كهربا وبنعيش في ضلمة وبنخاف نولع لمبه لحسن نتكهرب ومعندناش مياه أو دورة مياه"، مشيرة إلى أنها ترى القوارض والحشرات بالإضافة إلى الرائحة الكريهة.

وأضافت: "احنا بنبقى قاعدين ونلاقي المياه جاية لحد رجلينا، وممكن ننام في الطرقة أو عند جارتنا، ومفيش مكان نلجأ ليه ولا أهل ولا عيلة بتنصفنا".

وأوضح أحد ساكني المنطقة: "كان فيه راجل عايش هنا ومن اللى بيحصل مات من شدة المرض، وممكن نموت زيه قريب لو الحكومة سابتنا كده، ونفسي يبصو لينا شويه احنا هنا والله بنموت.. الشمس مش بتدخل بيوتنا، والأمراض ملت جسمنا، وأنا هنا بقالي أكثر من 40 سنة عايش مع عيالي اللي خلاص المرض انتشر فيهم".

وقالت سيدة أخرى: "هنعمل إيه الحكومة مش عاوزة تنقذنا وعيالنا واكلهم المرض"، موضحة انها تعيش بغرفة البدروم حيث تنتشر مياه الصرف، كما أن هناك أجزاء تتساقط من السقف.

وأكدت "ام ملك" انها تسكن بالبدروم منذ 16 عاما، مضيفة: "مفيش منفذ للشبابيك لأن ورانا محال وقافلين علينا المنفذ اللى بنشم هوا منه".