الخميس 26 نوفمبر 2020...11 ربيع الثاني 1442 الجريدة الورقية

رمضان صبحي: مش عارف سيد عبد الحفيظ عايز مني إيه.. واللي مضايقني استخدام الجمهور ضدي

رياضة بانر الاسعار
رمضان صبحي وسيد عبد الحفيظ

محمد طاهر أبو الجود

كشف رمضان صبحي لاعب نادي بيراميدز، تفاصيل خلافه مع مدير الكرة بالنادي الأهلي الكابتن سيد عبد الحفيظ.اضافة اعلان


وقال خلال لقائه ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "كان فيه مشادات بيني وبين سيد عبد الحفيظ لما اتخانقت مع أليو بادجي، وكنت رايح أصالح اللاعب فقال لي سيد عبد الحفيظ: ده ميمنعش أنك هيتخصم مني فلوس، فقلت له: أنا مغلطتش ومش هتقدر تخصم مني فلوس".

وتابع: "بعد هزيمة صند دوانز 5/0 اتخصم مننا 10% من راتبنا السنوي وأنا اللاعب الوحيد اللى اتخصم مني 10% على سنتين.. وقلت للكابتن الخطيب على هذا الخصم فقال لي: استحالة، حينها تواصل مع الحسابات وأكد له أنه بالفعل تم خصم 10% من راتبه على مدار عامين".

واضاف: "لا أعرف سبب مشكلة سيد عبد الحفيظ معايا وهو اللى يتسأل فيها؟ أنا مش عارف كان هو عايز مني إيه؟.. وأكتر حاجة ضايقتني لما يكون في أشخاص بتستخدم الجمهور ضدي بمعلومات غلط".