الأربعاء 5 أغسطس 2020...15 ذو الحجة 1441 الجريدة الورقية

قصيدة «جنة الدنيا» للشاعر محمود الحوامدي

ثقافة وفنون
محمود الحوامدي

الكاتب


يا جنة فوق جنة
بحنانك اتحنة
لرضاكي باتمنة
يا عشق متغنة
يا نهر من طيبة
بدموعك اتوضة
اضافة اعلان
والقلب من هيبة
بالدهب والفضة
يا زهرة البستان
يا ضي كل مكان
يا تاج لكل زمان
بالشكر والعرفان
يابحر شطهُ حنان
ف بحرك انا غرقان
دا مهما موجك كان
الحضن فيكي أمان
يا نور على نور
يا غنوة العصفور
يا أجمل نساء الحور
حبك في قلبي بحور
يا وطن جوه وطن
أنا قلبي فيكي اتسجن
واتمني يموت مسجون
واتمني يموت مسجون
دا السجن فيكي حياة
وعشقك لقلبي بحُبك دواه
يا رافعة ايديكي في كل صلاة
دعاكي ليا مراكب نجاة
أنت ليا أجمل هدية
وأغلى حاجة في القلب عندي
يا أم قلب مليان حنية
أنا في حبك عشت جندي
قالوا عني إني عاشق
وانتي عارفة عشقي مين
ومستعد اطلع قلبي
وقدمه لك بكفي اليمين
يا شايلة همومي
من وأنا لسة جنين
يا ساكنة أفراحي
وساكنة الأنين
رسمتك في قلبي
بلون الحنين
وهفضل أحبك
لاخر السنين

استطلاع رأى

هل تتوقع وصول إصابات كورونا إلي صفر في الأيام المقبلة؟