الأربعاء 12 أغسطس 2020...22 ذو الحجة 1441 الجريدة الورقية

"حجاجوفيتش": 2000 جنيه ثمن تذكرة مباريات "ريـال مدريد"

منوعات
الرحالة المصري أحمد حجاجوفيتش

حنان عبد الهادي


أكد الرحالة المصري أحمد حجاجوفيتش أنه ليس من الصعب حضور مبارايات فريق ريـال مدريد الملكي الإسباني على ملعب استاد سانتياجو برنابيو، مشيرًا إلى أن الحضور يحتاج فقط ادخار المال.

وكتب حجاجوفيتش تدوينة على "فيس بوك " قال فيها: إيه رأيكم إنكم ممكن تحضروا ماتش في السانتياجو ب٢٢٥ يورو (٢٠٠٠ جنيه) بس ومش بس تحضروا الماتش، لأ دا إنتم حتكونوا من كبار الزوار ومسموح لكم الدخول من أي بوابة من ال٦١ بوابة بتوع الاستاد وحيكون ليكم بوفيه مفتوح "أكل وشرب" (كلوا كل اللي نفسكم فيه ببلاش- إتفرج على الفيديو)، من قبل الماتش بساعة وخلال الماتش كله ونص ساعة بعد الماتش كمان، عشان متطلعوش في الزحمة مع الجماهير العادية".
اضافة اعلان

وأضاف حجاجوفيتش "أماكن كبار الزوار كتير في الاستاد، ولكن معظمها في غرف زجاج معلقة فوق المدرجات، عشان تشوف الاستاد كله وبتكون غالية أوي وبعيدة أوي عن الملعب، ولكن الجميل في الموضوع إن أرخص كرأسي هي اللي موجودة تحت حرف الR في المدرجات، وهي دي اللي ب٢٢٥ يورو (عشان يا عيني بتكون مش متغطية وساعات شمس في الصيف أو مطرة في الشتا) بس بتكون أقرب كرأسي للملعب واللعيبة، يعني الواحد فيكم حيكون تقريبًا قاعد على نجيلة الملعب.

وتابع: " الأجمل من ده كله إن دايمًا بيكون صاحبات اللعيبة وأولادهم ومشاهير كرة القدم والسينما قاعدين جنبك على نفس الكراسي".