اعمل الصح

الحسن والحسين لما لقوا رجل بيتوضأ غلط، ماراحوش قالوا له أنت اتوضيت غلط وكان لازم تعمل 1.. 2.. 3.. بكل بساطة عملوا كأنهم بيتسابقوا مين بيتوضأ صح وهو حكم بينهم، فوصلوا له المعلومة بكل بساطة وسهولة ومن غير تعقيد..

هنا بقى لازم تتعلم حاجتين مهمين..

# أول_حاجة.. أكره الغلط وماتكرهش الغلطان!

يعني ماتروحش تقول للي قدامك أنت كافر، أنت مذنب، أنت عاصي، ولازم تعمل كذا كذا.. طبيعي مش هيستقبل نصيحتك حتى لو كنت صح!!

# تاني _ حاجة.. ماتطلبش من حد حاجة أنت مش بتعملها أصلا، وماتنهيش حد عن حاجة أنت أصلا بتعملها؛ لأن التناقض ده بيبوظ نصيحتك أو تحذيرك.

بكل بساطة صلح أفعالك وخلي الناس تقلدك في الصح، عشان شافوا فيك حاجة كويسة.. مش عشان أنت بتؤمرهم وعايزهم كدة وخلاص.